RSS-feed

Velg språk!

Utskriftsvennlig versjon Válgalávdegoddi du ohcamin!
Aile Javo, NSR válgalávdegotti jođiheaddji.
NSR válgalávdegotti lahtut Áile Jávo (válgalávdegotti jođiheaddji), Geir Tommy Pedersen ja Káre Elle Partapuoli leat ohcamin olbmuid riikkastivrii mii galgá válljejuvvot Norgga Sámiid Riikkasearvvi jahkečoahkkimis Guovdageainnus golggotmánus 2008.

Almmuhuvvon: 14.04.2008

Riikkastivrra lahtut geat boahtte riikkačoahkkimis válljejuvvojit šaddet ”válgastivra” ja čađahit válgabargguid ja movttiidahttit vuoitit sámediggeválgga 2009. Válgalávdegoddi lea maid ohcamin nuoraid NSR nuoraidlávdegoddái ja stivralahtuid SOL stivrii, NSR oahppolihttu.

Árrat ohcagoahtit

- Mii leat árrat juo bargagoahtán vai báikkálaš háhppehit smiehttat gean sii áigot evttohit luohttámušdoaimmaide. Galgabehtet áinnas evttohit buriid olbmuid luohttámušdoaimmaide, cealká válgalávdegotti lahttu Geir Tommy Pedersen.

Ođđa riikkastivralahtut

Dán háve leat válggas jođiheaddji Silje Karine Muotka, organisatuvrralaš nubbejođiheaddji Marit Einejord ja riikkastivralahttu Thomas Ole Andersen oktan várrelahtuiguin.

Politihkalaš nubbejođiheaddji Trond Are Anti gal ii leat válggas, eabage riikkastivralahtut Kari S. Lifjell ja Ellinor Marita Jåma.

Nuoraidlávdegoddi

NSR nuoraidlávdegoddi (NSR-N) lea dán háve dáhtton dábálaš válgalávdegotti evttohit ođđa nuoraid nuoraidlávdegoddái, sin sadjái geat leat válggas. Ovdal leamašan dát nuoraidlávdegotti iežas bargu. - Mii eat bargga dán jagi seammá go ovdal. Dán jagi evttoha dábálaš válgalávdegoddi sihke riikkastivrra, nuoraidlávdegotti ja SOL-stivrra áirasiid oktanis, muitala válgalávdegotti lahttu Káre Elle Partapuoli.

Nuoraidlávdegottis lea Sara Lervoll válggas oktan guvttiin várrelahtuiguin. NSR-N jođiheaddji Ol-Johan Gaup ii leat válggas.

SOL strivra – NSR oahppolávdegoddi

SOL-stivrras leat máŋggas válggas, jođiheaddji Kirsti Guvsam, stivralahttu Berit Anna Gaup ja olles golbma várrelahtu leat válggas. Duššo SOL-stivralahttu Per K. Grønnvold ii leat válggas dán háve.

Presideantakandidáhta válgastivrras

Válgalávdegoddi muittuha ahte NSR njuolggadusaid olis lea guovddáš “válgastivrra” bargu evttohit presideantakandidáhta riikkačoahkkimii. Válgalávdegotti bargu lea ges ohcat olbmuid riikkastivrii, nuoraidlávdegoddái ja oahppoorganisašuvnna stivrii, mađe mielde NSR báikkálaš sámesearvvit dál evttohit.

Eambbo dieđut ja evttohusaid sáhttá sáddet:

Áile Jávo, ailej@hotmail.com, tlf. 950 25 926
Geir Tommy Pedersen, gtpedersen@gmail.com, tlf. 948 23 104
Káre Elle Partapuoli, skavza@gmail.com, tlf. 970 89 610

NSR čállingoddái nsr@nsr.no





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S