- Dát cájeha man váttis šaddá leahkit unnitloguálbmot dan beaivvi go Ovddádusbellodat boahtá fápmui, cealká Muotka ja oaivvilda ahte buohkat servodagas šaddet ovttaláhkái ja váillodišgohtet toleránssa jos Ovddádusbellodat beassá stivregoahtit.
 
- Ovddádusbellodat ii beroš riikkaidgaskasaš geatnegasvuodain mat leat álbmotrievttis ja miehtamáilmmi olmmošvuoigatvuodain go vihtta árasa evttohit heaittihit Sámedikki. Sámi álbmot dárbbaša álbmotválljejuvvon orgána vai sámi jietna gullo. Jos heaittiha Sámedikki, de dat lea áibbas dohkketmeahttun dahkku, cealká NSR jodiheaddji Silje Karine Muotka.
 
Vihtta áirasa evttohus cájeha maid ahte várra galggašii Sámedikki suodjalit vuoddolágas, cealká Muotka. – Ii leat dohkálaš ahte Sámedikki sáhttá heaittihit vaikko goas go boahtá odda ráddehus, cealká Muotka. Sápmelaccat ieža berrejit beassat cealkit oainnuset dákkár áššis, oaivvilda Muotka.
 
- Dál galggašii Ovddádusbellodaga ovdaolmmoš, Siv Jensen odasmahttit Ovddádusbellodaga boaresáigásaš jorggu sámepolitihka, cealká Muotka. Mun in jáhke ahte lea ávki geahccalit cilget sidjiide dán ášši go sis ii leat dáhttu bargat govttolaccat ja váldit ovddasvástádusa, cealká Muotka. Mii fertet dušše konstateret ahte Ovddádusbellodat lea bázahallan sámepolitihkas seammá ollu go biraspolitihkas.
 
FUOM: Áirasat Per-Willy Amundsen, Jan-Henrik Fredriksen, Jan Arild Ellingsen, Øyvind Korsberg ja Tord Lien leat ovddideamen evttohusa Stuorradiggái bearjadaga.
 
Gulahallanolmmoš:
Silje Karine Muotka, Norgga Sámiid Riikkasearvvi jodiheaddji, tel. 98487576

Denne artikkelen på norsk