- Min vuorasolbmuin lea mávssolaš máhttu maid mii fertet oahpahit nuorat buolvvaide, cealká NSR/SáB áššejođiheaddji Gunn-Britt Retter. – Dáruiduhttinpolitihkka lea čuohcan ja ođđa áiggi servodat ii leat gudnejahttán iige dohkkehan sámi árbevirolaš máhtolašvuođa. Danne áiguge NSR/SáB vuoruhit dán go Sámeálbmotfoanda galgá rahppot.
Sámediggi meannudii Sámeálbmotfoandda ášši dievasčoahkkimis dán vahku. Sámi árbevirolaš máhttu lea okta NSR/SáB golmma áŋgiruššanáššiin – ja maid NSR/SáB lea evttohan plána- ja finánsalávdegoddái ja ožžon čađa. Vuos várrejuvvojit guokte milliuvnna ruvnnu dán ulbmilii. NSR/SáB maid evttoha várret ruđa sámi giellaovdánahttimii ja sámi girjjálašvuhtii.
Dát áŋgiruššansuorggit leat nu movt NSR dajai válgagiččus 2005 ja movt NSR riikkačoahkkin lea cealkán 2007.
Gulahallanolmmoš
Áššejođiheaddji NSR/SáB, Gunn-Britt Retter, tlf. 91 35 92 22
Denne artikkelen på norsk
Kommenter denne artikkelen
Tips en venn Gå tilbake