RSS-feed

Velg språk!

Utskriftsvennlig versjon NSR vuoruha nuoraid, giela ja kultuvrra
NSR parlamentáralaš jođiheaddji Aili Keskitalo.
Sámeálbmotbellodat (SáB) ja NSR soahpan bušeahta alde Sámedikki Plána- ja finánsalávdegottis.

Maŋŋá mánnodateahkeda siskkáldas bušeahttašiehtadallamiid, de loahpahii Sámedikki Plána- ja finánsalávdegoddi Sámedikki 2008 bušeahttabarggu. NSR ja SáB oktasaš evttohus nanne lasáhusa nuoraide, gillii ja kulturdoaimmaide.


Almmuhuvvon: 29.11.2007

- Mii leat vuoruhan giellaáŋgiruššama Sámeálbmotfoandda ruđaiguin 5 milliuvnna ruvnnuin, ja mii leat lasihan joatkkaskuvlla sámegielohppiid stipeanddaruđa milliuvnna ruvnnuin, muitala NSR áššejođiheaddji Roger Pedersen.

- Mii leat lasihan stipeanddaruđain alla ohppui. Kulturdoaimmat lea nannejuvvon NSR/SáB bušeahttaevttohusas. Lullisámi teáhter lea dat teáhter mii oažžu eanemus lasáhusa ja oažžu duppal nu ollu go dán jagi bušeahtas. Maiddái nuppiid kultupoasttain lasihuvvo ruhta, nugomat Deanu/Unjárgga girjebusse ja smávva kulturásahusat.

- Mii leat ilus go leat beassat nannet Lullisámi teáhtara, ja min mielas lea dehálaš nannet lullisámegiela ja lullisámi kultuvrra, cealká NSR parlamentáralaš jođiheaddji Aili Keskitalo. Lullisámi teáhter čájeha bihtáid mánáide ja nuoraide, ja danne lea dát oassin mánáid- ja nuoraidbarggus.

Gulahallanolbmot:
Roger Pedersen, NSR áššejođiheaddji, tlf. 97062344
Aili Keskitalo, NSR parlamentáralaš jođiheaddji, tlf. 97129305

Denne artikkelen på norsk





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S