Jïs jïjnjebhlåhkoe latjkene, dellie teateren budsjedte guektienvaelmien stuerebe dæjmetje jaepeste sjædta. 2007-sne jis 618.000,- kr. utnijin.

Åarjelhsaemien Teatere lea eadtjohkelaakan jïh daajhtemen tjiehpiesvoetine buektiehtamme saemien kultuvrem nænnoestidh vaenie vierhtiejgujmie, saemiedigkienlïehtsege Jarle Jonassen jeahta. – Daelie hov tijje eensi beetnehdåarjoem åadtjoejieh.

Saemiedigkien lïehtsegh leah daej biejji tjahkan 2008-en budsjedtem rååresjeminie.

Åarjelhsaemien Teatere lea vihkeles åarjelsaemien kultuvreinstitusjovne, saemiedigkienlïehtsege Kirsten Appfjell-Eira jeahta. – Raaktan lea garmerdes guktie leah stoerre barkoem dorjeme maanaj jïh noeri bueriemasse. Daelie hov Saemiedigkien lea nuepiem viehkiehtidh åarjelsaemien kultuvrebarkoem nænnoestidh.

Åarjelhsaemien Teateren vihties barkoesijjie lea Måefesne, mohte abpe åarjelsaemien dajvesne barkieh.

Bïevnesh åadtjodh:
Jarle Jonassen (NSR), tlf  97 58 16 37
Kirsten Appfjell-Eira (Åarjel-Læstoe) tlf  95 14 48 04

Sametingets komitémøter

Denne artikkelen på norsk