- Máŋgii lea dáhpáhuvvan ahte smávva geavatlaš dahje ekonomalaš áššit hehttejit ovdáneami. Daid sáhtášii hui álkit eret čorget, muhto nu ii dáhpáhuva, danne go ii oktage hálit váldit lasi ovddasvástádusa, cealká Jåma. – Hirbmat váivi go skuvlla jođiheaddjit ja direktoratat eai cealkke ahte lullisámegiela ferte vuoruhit jos galggaš nagodit mánáide oahpahit lullisámegiela.

Jåma jáhkká skuvlla omasteaddjit fertejedje vuoruhit sámegiela jos dat aigut seilluhit boahtteáigis. Ellinor Marita Jåma cealká lullisámegiella lea áitojuvvon giella, ja lullisámi mánáin lea vuoigatvuohta oahppat lullisámegiela. - Mus lea dat vuordámuš ahte lullisámi mánát ožžot lullisámegiela oahpahusa, loahpaha Jåma gii áigu čuovvulit ášši.

Gulahallanolmmoš:
Riikkastivralahttu Ellinor Marita Jåma, tel. 91613460

Riikkastivrra siidu

Ođđa válgadieđut

Denne artikkelen på norsk