- Mun in sáhte dohkkehit dán, cealká Anti ja kommentere NRK Sámi radio ášši mas sámeradio čuvge movt sápmelaš giddagasas ii beasa hállat sámegiela go hálla iežas olbmuiguin telefuvnnas.
 
Mun lean beahtahallan go gulan ahte dákkár lea dilli. NSR ii sáhte dohkkehit ahte Sámelága giellanjuolggadusat rihkkojuvvojit dán láhkái. Mii oaivvildit ahte go ásahus lea geatnegahtton čuovvut sámelága giellanjuolggadusat, de galge sáhtti fállat sihke čálalaš ja njálmmálaš bálvalusaid sámegilli. Sis lea maid geatnegasvuohta muitalit geavaheddjiide makkár vuoigatvuohta sis lea geavahit sámegiela ja oažžut bálvalusaid sámegillii.
 
- Máŋggas eai oro oba diehtimege man váttis máŋgga dilis sáhttá leat hállat dárogiela, cealká Trond Are Anti. – Go lea giddagasas, de šaddá eambbo noađđi vel go eai gávdno buorit čovdosat sámegielat fáŋggaide. 
 
- Lea áibbas duođalaš ášši gieldit olbmuid hállamis sámegiela bearrašiin, loahpaha NSR politihkalaš nubbejođiheaddji Trond Are Anti.
 
Gulahallanolmmoš:
Trond Are Anti, mobiltelefon: 40045518

Denne artikkelen på norsk