Duhtavaš maŋŋebálkká šiehtadusain

NSR doaibmi joavkojođiheaddji Roger Pedersen lea hui duhtavaš go NSR lea soabadan Jánoš Trosteniin máksit sutnje golbma mánnosaš maŋŋebálkká. – Mis lea soahpamuš mii leat goappaš beliide geatnegahtti. Mii leat soahpan máksit Trostenii golmma mánnosaš maŋŋebálkká.

- Sámediggejoavku lea bures ádden Trostena dili ja su dárbbu oažžut maŋŋebálkká oanehis áigái go juo šattai nu ahte gárttai guođđit bálkáhuvvon NSR-politihkkárdoaimma skábmamánus 2006, cealká Pedersen. – Sámedikki iežas njuolggadusaid olis lea vejolaš addit gitta golbma mánu maŋŋebálkká. Dán áššis leat geavahan vejolašvuođa mii lea njuolggadusain, cealká Pedersen. – Mii leat dál geargan ekonomiijaáššiiguin Jánoš Trostena áššis, cealká Roger Pedersen.

Pedersen ii oainne dárbbu digáštallat ášši almmolašvuođas.
- Mii fertet muitit ahte dás lea sáhka ovtta ovttaskas olbmos, cealká Pedersen.
– Sámediggejoavku lea duhtavaš dainna eaktodáhtolaš loahpalaš čovdosiin, loahpaha Pedersen.

Gulahallandieđut
Roger Pedersen, NSR doaibmi joavkojođiheaddji 97062344
Aili Keskitalo, sámediggepresideanta 78474000 / 97129305
Silje Muotka, NSR-jođiheaddji 98487576

Preassagovva Roger Pedersen

Dát artihkkal dárogillii