NSR gáibida ahte eriid soahpamuš biddjo eret dassážii go riddoguolástuslávdegoddi lea cielggadan guolástusvuoigatvuodaid olggobeale Finnmárkku.  – Lea dohkketmeahttun struktureret fatnasiid vuollel 15 m nu guhkká go riddoguolástuslávdegoddi lea cielggadeamen sámiid ja earáid vuoigatvuodaid guolástit Finnmárkku rittus, dadjá Muotka.  

Ii struktureret fatnasiid mat leat vuollel 15 mehtera

Medias lea gullon ráddehusa eriid soahpamuša birra ja lea sáhka bidjat struktureriid maiddái fatnasiidda gaskkal 11 ja 15 mehtera. NSR ii dohkket strukturerema fatnasiidda vuollel 15 mehtera, dadjá Norgga Sámiid Riikkasearvvi jodiheaddji Silje Karine Muotka dan nu gohcoduvvon eriid soahpamuša birra.

Evttohus doarju heajos ovdáneami mearrasámi guovlluin

- Norgga Sámiid Riikkasearvi deattuha ahte ferte sihkkarastit unnimuseriid dáidda fatnasiidda. Árbevirolaš riddofatnasat vuollel 15 mehter mearkkašit olu ássamii ja bargosajiide riddoguovlluin, ja erenoamážit sámi guovlluide. Dát mállet fatnasat sihkkarastet biebmoávdnasiid guolástusfitnodagaide gáttis.

 Mearrásámi servodagat ja guolásteaddjit leat vásihan dán heajos ovdáneami go smávit fatnasat leat massán vuoigatvuodaid stuorit fatnasiidda ja eaiggatvuohta lea sirdásan má?gga eaiggádiin stuorra fitnodagaide. Norgga Sámiid Riikkasearvi oaivvilda ahte eriid soahpamuš doarju heajos ovdáneami unnimus fatnasiid ektui. 

Ráddehus ferte vuhtiiváldit sámi guolástusvuoigatvuodaid

- Strukturerenášši lei guolástusministara Helga Pedersena stuorra politihkalaš prošeakta, ja mun balan Pedersena politihkalaccat vuoittahallan dán áššis, dadjá Muotka. - Norgga Sámiid Riikkasearvi vuordá dál ahte ráddehus vuhtiiváldá sámi guolástusvuoigatvuodaid dán oktavuodas, loahpaha NSR jodiheaddji Silje Karine Muotka.

Oktavuohtadiedut:

Silje Karine Muotka, tlf. 984 87 576