-Mij gudi lip nuorra sáme Divtasvuonan lip bajás sjaddam subttsasij rádjáoahpestiddjij birra, ja diehtep makkár bargov li dahkam gå hekkav gájoduvvin moaddásijs gudi hæhttujin báhtarit Svieriga bælláj nuppát værálddoaro ájge. Mij lip aj gullam alvos guoddalimij birra majt rádjáoahpestiddje hæhttujin gierddat doaro maññela, javllá Miriam Paulsen.
-Mån lav ávon gå rádjáoahpestiddje lij oadtjum vájvahimev dat vieres mij la sijá vuosstáj dagádum, ja ávvusav boahtte ájggáj gå galggap oadtjot duodastit dáv oasev sáme histåvrås, ja aj Vuonarijka histåvrås, javllá Paulsen.

Paulsen joarkká ja javllá sån la riek dudálasj gå tjalmostibme la biejadum bargguj mij guosská rádjáoahpestiddjij bargov almulattjat, ja ij rádjáoahpestiddjijda ájnegissan.
-Luondulasj la aj dát guoradallam- ja duodastimbarggo rádjáoahpestiddjij birra vuododuvvá ja dåjmaduvvá Árranis – julevsáme guovdátjis Divtasvuonan, javllá Miriam Paulsen maññutjissaj.

Kontakt: Miriam Paulsen, tlf. 97617377