Deanu NSR/ SáB njunuševttohas Janoš Trosten čujuha Åre sámekonferánsii mii 1986:is buvttii dán julggáštusa ”mii sámit leat okta álbmot ja riikkarája eai galgga hehttet min álbmoga gaskavuođaid”. - Dákkár konseaptas lea sámi álbmoga skuvlaovttasbargu riikkarájaid rastá buorre nannet fuolkevuođa ja sámesoga giella- ja kulturoktavuođaid, oaivvilda Jánoš Trosten. Trosten dadjá ahte nu leage NSR/SáB giella- ja kulturpolitihkka.
NSR/SáB áigu čalmmustahttit dán ášši Sámedikkis. NSR/SáB áigu ahte Norgga ja Suomabealde Sámedikkit barget Sámi Parlamenáralaš Ráđi bokte ja vuoruhit rádjaskuvlaprošeavttaid. - Lea lunddolaš ahte Norgga ja Suomabealde Sámedikkit ovttasbarget Finnmárkku ja Lappi leana fylkkamániid hárrái, vai dát ášši válbmana nu johtilit go vejolaš, dadjá Jánoš Trosten.
Dán bearrái áigu Deanu NSR/SáB bargat Sámedikkis, lohpida njunuševttohas Jánoš Trosten
Jánoš Trosten
Deanu válgabiire vuosttaševttohas
Gulahallantlf, 419 27 763
Jienas NSR/SáB sámediggeválggaide ja Sámeálbmotbellodaga stuorradiggeválggaide!
Kommenter denne artikkelen
Tips en venn Gå tilbake