RSS-feed

Velg språk!

Utskriftsvennlig versjon Eat siđa geavahuvvot! Sámit, Savio ja Diesel
Christina Henriksen
Christina Henriksen moaitá lohkkiidreivves riikkaidgaskasaš fitnodagaid eamiálbmotkultuvrraid geavaheami. - Eamiálbmotdáidda geavahuvvo ruđa diinet, ii ge álgo-vuoigatvuođaálbmot oaččo maidege, cealká Henriksen.

Almmuhuvvon: 01.07.2005

Čálli: Christina Henriksen

Norgga Sámiid Riikkasearvvi-NSR ja Sámeálbmot Bellodaga-SáB listtu 2. evttohas Várjjat válgabiires

 


“Diesel" geavaha Savio motiivvaid ođđa biktasiin. Dát lea dábálaš vuohki mot eamiálbmot­dáiddá geavahuvvo diinet ruđa. Máŋga eamiálbmotguovlluin lea dákkár láhtten dábálaš. Sámiin lea dál vejolašvuohta cuiggodit dan, ja hehttet sámiid ja eará eamiálbmogiid geavahuvvomis.

 

John Andreas Savio muorravadjosat geasuhit. Irgi ja moarsi, boazu ja gávttehas duoddaris. Dovddus motiivvat, eandalit miidjiide geat leat bajásšaddan Várjjagis. Savio dáidda, ja su mearkkašupmi sámi kultuvrii, dahká su erenoamážin. Su dáidda lea Nášunalgalleriijas, ja vuvdojuvvo divrasin.

 

"Diesel" lea dovddus bivttasmearka. Miehtá máilmmi olbmot geavahit dán bivttasmearkka. Dál sii orrot leamen fitnan Sámis ja Sámis viežžan inspirašuvnna. “Diesel” lea deaddilan Savio gova oanehissoaját báiddiide, eai ge leat jearran lobi BONOs - govvadáidaga ja dahkki vuoigatvuođaorgansašuvnnas Norggas. "Diesel" lea dasto rihkkon vuoigŋaduodjelága. Ii das galle. Eamiálbmotdáidda geavahuvvo ruđa diinet, ii ge álgo-vuoigatvuođaálbmot oaččo maidege. Pocahontas lea suoláduvvon Ameriikka eamiálbmogiin, ja Disney diine milliarddaid dáinna árbevirolaš eamiálbmotmuitalusain. Ádden bures eamiálbmot suhttá. Sis han leat ovdalaččas rieviduvvon eatnamat, ja lea bargguhisvuohta ja váttis sosiálalaš eallin.

 

Lea positiiva go eará álbmogat ja amas álbmogat beroštit sámi motiivvain dan mađe ahte bidjat biktasiidda mat vuvdojuvvojit miehtá máilimmii. Muhto "Diesel" berrešii earáláhkái láhttet dán oktavuođas. Fitnodat lea cealkán “eai siđa láhttet ignoranta" ja leat mieđihan ahte leat viežžan sámi guovllus inspirašuvnna. Muhto sin cealkámuš ii dohkke, ii ge mange láhkái rievdat eamiálbmotdáidága geavaheami.

 

Mii fertet gáibidit ahte riikkaidgaskasaš fitnodagat mákset dan eamiálbmotdáidaga ovddas mii “sin inspirere”. Mii dárbbašit riikkaidgaskasaš meriid das man olu galgá máksit. Jos mat Savioguovddáš, Mátta-Várjjat suohkan, Sámediggi ja BONO šiehtadit dakkár ortnega mas rikkaidgaskasaš fitnodagat mákset ruđa dan servodahkii mas vižžet dáidaga? Jos mat mii ovttas bijašeimmet dakkár meriid, ja barggašeimmet dákkár suoládeami vuostá miehtá máilimmi!

 

Nuppiin sániin; áinnas min dáidagis viežžat inspirašuvnna, muhto eat fal siđa geavahuvvot!





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S