Sámi Dáiddaráđđi ánssaša rámi go konstruktiivvalaččat leat searvan bargui olles áiggi. Áiggun gittiit sin guđet leat bargan nu ahte boađuš šattai ná buorren.
Sihke dát soahpamuš, ja ovttasbargosoahpamuš man vuolláičáliimet borgemánus diibmá, leat dál buorren vuođđun go Sámediggi galgá eará sullasaš soahpámušaid ráhkadit eará joavkkun sámi siviila servodagas. Dál leat juo bures bargamin duodjesoahpamušain.
Sámi servodagas galget joavkkut ieš beassat mearridit ovdánahttinvejolašvuođaid nu olu go vejolaš. Dát lea dehálaš. Sámi kultuvra ja ealáhusat ovdánit buoremusat go sámi eiseváldit ja sámi servodaga iešguhtet joavkkut barget ovttas geatnegahtti ovttasbarggus. Jos nagodit bargat ovttas nu mot dáiddašiehtadusas čuožžu, dalle leat rievttes guvlui bargamin ja ovttas váldimin ovddasvástádusa, sihke árgabeaivvis ja boahtteáiggis, loahpaha Randi.
Kommenter denne artikkelen
Tips en venn Gå tilbake