RSS-feed

Velg språk!

Utskriftsvennlig versjon Ii duššo finnmárkoláhka
Sámediggeráđis leamaš barggut doarvái. Vaikko ráđđi lea geavahan eanas áiggi ja bidjan eanamus návccaid finnmárkoláhkii ja konsultašuvnnaide, de lea eará bargguid maid doaimmahan. Dat bođii ovdan go sámediggeráđđi bijai doaibmačilgehusa ovdan Sámedikki dievasčoahkkimis dán vahkku álggus.

Almmuhuvvon: 01.06.2005

Sámediggeráđđi lea earret eará bargan sámi oahpponeavvuin. Ráđđi lea čoahkkinastán departemeanttain ja várrepresideanta Ragnhild Nystad lea deattuhan dárbbu lasihit ruđa sámi oahpponeavvobuvttadeapmái, danne go ođđa oahppoplánat leat boađi boađi. Sámediggeráđđi lea áigumin čilget Dutkan- ja oahpahusdeoartementii galle ođđa oahpponeavvu dárbbašuvvojit ja man olu daid máksá buvttadit. Jagis 2005 lea Sámediggi várren 11 milliuvnna ruvnnu sámi oahpponeavvuid ráhkadeapmái, Sámedikkki bušeahtas. Oahpponeavvo-ohcamušat bohte sullii 40 milliuvnna ovddas.

Sámediggi lea ráhkadahttimin sihke julev- ja davvisámegiela divvunprográmmaid dihtoriidda. Bargu lea golmmajahkásaš prošeakta juo lea jođus. Oalle fargga maid almmuhuvvo sierra neahttabáiki man namma lea www.divvun.no.

Sámediggeráđis lei maid illudiehtu márkosámiide. Sámedikki kantuvrras Várdobáikkis lea fas bargi čavčča rájes. Ođđa konsuleanta lea virgáiduvvon ja álgá vigái geasset.

Sámediggeráđđi lea nammadan lahtuid guovllulaš boraspirelávdegottiide.  Lahtut leat dán válgaáigodahkii válljejuvvon. Viđát guovllus lea ráđđi nammadan Aina Kristine Kant ja Maths Mortensson. Guđát guovllus lea ráđđi nammadan Kjell Gøran Jåma ja Jarle Jonassen. Čihččet guovllus lea ráđđi nammadan Per Olav Sara ja Anders N. Eira, ja gávccát guovllus lea ráđđi nammadan Willy Ørnebakk ja Nancy Porsanger.

Sámediggeráđis leamaš čoahkkin Guolástus- ja riddodepartemeanttain. Sámediggi lei gáibidan smávvafatnasiidda vuoigatvuođaid reabbáid guolástit. Čoahkkimis sohpe ahte Sámediggi ovttas departemeanttain ja Guolástusdirektoráhtain ráhkada vuođđodokumentašuvnna, vai Ráđđehus čoahkkimistis geassemánu 8. beaivvi sáhttá buktit rávvagiid dán áššis.

Sámediggi lea guhká ságastallan Kultur- ja girkodepartemeantain sámi valáštallama rámmaeavttuid birra. Sámediggi lea dáhtton sámi valáštallamiidda oasi speallanruđain. Viimmat lea departemeanta dasa miehtan. Go Norsk tipping juogadii buorrinbáhcán ruđa iešguhtet valáštallamiidda jagis 2005, de bijai 300.000 ruvnnu sámi valáštallamiidda. Juolludeapmi sirdojuvvo Sámediggái. Juolluduvvon ruhta galgá bisuhit ja ovdánahttit sierranas sámi valáštallandoaimmaid, nu ákkastallá departemeanta go dál addá sierranas doarjaga sámi valáštallamiidda.

Namuhanveara lea maid go Sámediggi ja Finnmárkku fylkkasuohkan ovttas leat ruhtadan čielggadeami heargevuodjilahtuid ja čuoigan/njoarostanláhtuid birra. Mihttomearri lea ráhkadahttit mearriduvvon hámi, masa dasto sámi valáštallansearvvit sáhttet ohcat tihppenruđa, go daid sihtet hukset.

Maiddái Sámedikki nuoraidpolitihkalaš lávdegottis leamaš doaimmat maŋemus áiggi. Lávdegoddi lea fitnan, ja leat áigumin fitnat joatkkaskuvllain juohkimin dieđuid iežas birra, Sámedikki, sámi jienastuslogu ja sámediggeválggaid birra. Lávdegoddi sihtá maid dieđuid ja evttohusaid oažžut sámi nuorain ja nuorain guđet orrot sámi guovlluin. Sámedikki nuoraidpolitihkalaš lávdegoddi lea oassálastan čoahkkimis mánáidáittardeddjiin Reidar Hjerman. Čoahkkimis nuoraidlávdegoddi dáhtui Mánáidáittardeaddji eambbo oahppat sámegiela ja sámi kulturvrra birra. Ságastallojuvvui maid sáhttá go ásahit virggi olbmui geas livččii sierranas sámi gelbbolašvuohta. Mánáidáittardeaddj siđai ovttasbargat lávdegottiin áššiin mat váikkuhit sámi nuoraide.

Sámediggi ja Sámedikki bargit leat soahpan ođđasit organiseret Sámedikki hálddahusa. Hálddahusas galget leat 3 ossodaga ja 2 stab; dievasčoahkkinstab ja direktevrra stab. Golbma ossodaga leat; Hálddahus, Oahpahus-, giella- ja kultuvraossodat, Vuoigatvuođa- ealáhus- ja birasossodat. Ossodagain bargit galget bargat joavkkuin/team. Ođđa organiseren galgašii doaibmagoahtit čakčamánu 1. beaivvi rájes dán jagi.

Sámediggeráđđi maid čalmmustii mot sámi guovlluid eanándoallu lea geavvan bárttiid sisa. Ná ii sáhte leat. Sámediggi ferte nuppes geahčadit sámi guovlluid eanandoalu. Sámediggeráđđi áigu nammadit bargolávdegottii mii galgá buktit sámi guovlluid eanandoalu čielggadeami giđđat 2006. Lávdegoddi galgá geahčadit sámi guovllu eanandoalu ruđalaš vuođu. Galgá maid geahčadit Sámedikki rolla dáčča eanandoallopolitihka hábmemis, ja mot eanandoallu váikkuha sámi kultuvrii, ealáhussii ja ássamii.





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S