Ellinor Marita Jåma (25), NSR 2. evttohas Oarjelsámeguovllus
Disdaga miessemánu 31. beaivi lea maŋemus áigemearri čálihit sámi jienastuslohkui. Buot sámit Norggas guđet leat deavdán 18 jagi sáhttet čálihit sámi jienastuslohkui, ja dalle besset jienastit sámediggeválggas.
Čakčamánu 12. beaivvi válljejuvvojit sii guđet galget leat Sámediggeáirasat boahttevaš njeallje jagi, ja juste don sáhtát leat fárus mearrideamen geat galget beassat Sámediggái du válgabiires.
Mannan áigodagas ledje 7 áirasa 39 árasis nissona, ja áigodaga nuoramus áirras lea juo deavdán 36 jagi. Dat ii ovddas sámi servodaga, oaivvilda Norgga Sámiid Riikkasearvi (NSR). NSR lea duođalaččat movttiidahttán ja oččodan nuoraid ja nissoniid searvat listtuide, ja mii leat dainna lihkostuvvan.
Jos áiggut leat mielde oččodeamen eambbo nuoraid Sámediggái, de dus lea maŋemus vejolašvuohta oažžut jienastanvuoigatvuođa válggaide. Viečča jienastuslogu skovi interneahtas www.nsr.no dahje www.samediggi.no ja bija postii maŋimustá distaga miessemánu 31. beaivvi.
Kommenter denne artikkelen
Tips en venn Gå tilbake