RSS-feed

Velg språk!

Utskriftsvennlig versjon Tone Finnesen: Ollu áigeguovdilis áššit
Sámediggeáirras Tone Finnesen (NSR) Gaska Nordlándda válgabiires
Tone Finnesenis lea oktan Miriam Paulseniin NSR sámediggeáirras Gaska Nordlánddas. Tones leat álššat dievva. Movttegis 32 jahkásaš lei nuoramus NSR njunuševttohasain ja lea gearggus bargagoahtit sámediggeáirasin.


– Lean dán smiehttan guhká, ja ovttas lagašolbmuin gávnnahan ahte dát leat riekta munnje. Mun beroštan sámepolitihkas, ja munnje leat má?ga áššit áigeguovdilat, muitala son.

Tone lea oahppan buohccedivššár ja bargá fágakordinatorin. Dál lea gearggus iežas suorggi áššiid ovddidit. – Mu bargoduogáš lea dearvvašvuodasuorggis, ja danne lea lunddolaš munnje beroštit sámi divššohasa dilálašvuodain. Dán suorggis leamaš sámepolitihkka dássážii eahpecielggas, vaikko ollu bargu gal lea dahkkon. Sámi dearvvašvuodaguovddážis min guovllus beasaše sámi divššohasat vásihit sámi fágaolbmuid geain lea sámi kultuvramáhttu, sámegielgealbu ja fágalaš gealbu. Jos eambbo sámi institušuvnnat barget ovttas sámi dearvvašvuodagažaldagain, de sáhttá heakkadehálaš ja eastadeaddji doaimmaid bidjat johtui sámi servodagas, dadjá Tone.

Gávpotsámiid dilálašvuodat

Sus lea nuppelotjahkásaš mánná ja lea bajásšaddan Ájluovttas Divtasvuonas. Son orru dál Bodeajus. Biekkat bossot Bodeajus, gávpot mii mearragáttis leabbá. – lea dehálaš bargat vai sámiin leat buorit dilálašvuodat maiddái gávpogiin. Ferte sihkkarastit bistevaš ja buori sámegieloahpahusa sámi mánáide. Dásá gullá maid ahte Budeaju allaskuvla ferte oahpahit julevsámegiela alla dásis. Ja mii dárbbašit sámi viesu dáppe gávpogis, sihke nuorat ja vuorrasat, deattuha son.

Ovttasbargu Nordlánddain

Dál leat sihke Romssa ja Trøndelága fylkkasuohkanat vuollácállán ovttasbargošiehtadusa Sámedikkiin. Tone áigu sihkkarastit ahte dákkár šiehtadus vuolláicállojuvvo Nordlándda fylkkasuohkana váras lagamus áiggis. – Dát lea dárbbašlaš vai sámi áššit šaddet almmolašvuoda ovddasvástádussan. Oahpahus, giella ja oahpponeavvut leat ovdamearkan dakkár áššiide mas ovttasbargošiehtadusat leat dehálaccat. Ealáhusovdáneapmi lea nubbi, dadjá son.

Ollu áššit su válgabiires maid ovddas sihtá bargat. Stáhtalaš lávdegoddi lea bargamin Divtasvuona-Vuodnabada geavaheami ja suodjaleami birra. Lávdegottis leat earret eará báikegotti olbmot ja Sámedikki ovddasteaddji. – Dát joavku lea rievttes joavku bargat strategiijain ja ovdáneamigažaldagain Oarjjevuonas ja erenoamážit sámi giláža Moskki ovddas, dadjá Tone.

Guovttegielat Divtasvuodna

Leat positiiva áššit cadahuvvomin. – Go Divtasvuodna boahtá sámi giellaguvlui mielde, de jáhkán dát šaddá dehálaš ealáskahttindoaibma suohkanii. Sámepolitihkkárat, dego mun iešge, leat bargan dáinna ja eará áššiin hui bures. Namuhan ovdamearkan Sven-Roald Nystø, Nils O. Nilsen ja Ing-Lill Pavall geat leat nanus resurssat NSRs. Mii dárbbašit sin máhtolašvuoda go juo nu guhká leat leamaš sámepolitihkas. Áiggun joatkit dan buori barggu maid sii leat bargan, mojohallá Tone.

- Diehttelas lea dehálaš bargat Norgga ja Ruota boažodoalokonvenšuvnnain. Sáltoduoddara badjeolbmuide lea mávssolaš. Sidjiide leat dál gitta ráját go konvenšuvnna doaibmanáigi lea nohkan. Sámediggi ferte garrasit bargat vai dát konvenšuvdna oddasit šiehtadallojuvvo govttolaš vuogi mielde, nanne Tone.

Nuoraidbargu

Tone áinnas muitala guovllu sámi ealáhusaid birra danne go – nu go ieš dadjá: …leat nu olu gelddolaš doaimmat jodus. Muhto sihtá maid hupmat NSR listtu nuoraidprofiilla birra. – Mis leat árjjalaš ceahpes nuorat mielde geat beroštit sámepolitihkas. Sámi servodat ovdána. Nuorain lea gelddolaš jietna sámepolitihkas. Danne lean duhtavaš go listtus leat nuorra njunušsevttohasat. De min jietna gullo bures Sámedikkis boahtte áigodagas, dadjala vel ovdal go dohppesta lávkka ja lávkesta olggos. Beatnagiin fitná olgun váccašeame. – Jurdagat johtet bures go olgun váccán, mojohallá ovdal go gokcá uvssa ja vázzila.


Váldde oktavuoda Tone Finnesenain: tone.finnesen@bodo.kommune.no . Telefuvdna: 75 77 43 99/ 995 28 612





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S