Ođđa válgadieđut

Boazodoalli Jarle Jonassen Rørosas eret, lea listtonjunuš Norgga Sámiid Rikkasearvvi ovddas Lullisámeguovllus. Jonassen leamaš Sámediggeáirras Sámedikki ásaheami 1989:ii rájes, ja lea dál mannamin 5. áigodahkii Sámdikkis. Nubbin listus lea Ellinor Jåma, Grongas eret, guhte lea dovddusin okta sámi ofelaččain Gielddadepartemeantta “Ofelaš”-prošeavttas.    

Čuovvovaš sajiin leaba dastto oahpaheaddji Aasta Joma Granefjell, Troandin og Paul Bendikk Jåma, Suodjalus bargi, Røyrvik.

Listu mii čájeha organisašuvnna dáhttu 

NSR válgastivra lullisámeguovllus čállá preassadieđahusastis ahte leamaš maŋemuš áiggiid digáštallan das ahte Sámediggi dárbbaša ođasmahttima ja ahte leat beare unnán nissonat sámediggeáirasiid gaskkas. NSRas lea mihttomearrin ožžut eanet nissoniid ja nuoraid Sámediggái, ja biire lea dán nominašuvnna bokte ollašuhttán NSRa áigumušaid go leat sihke nuorat ja nissonat badjin listtus. Seammas oaidná NSR maid dehálažžan ahte hárjánan politihkkárat ain jotket Sámedikkis. - Lullisámeguovllus lea dál listu mii čájeha organisašuvnna dáhttu ođasmahttimii, ovttadássásašvuhtii agii ja sohkabeliid gaskkas, ja maid dáhttu doalahit hárjánan politihkkáriid Sámedikkis, cealká NSR válgastivra biires.

NSR listtu, válgabiire 12 - Lullisámeguovlu:

1.      Jarle Jonassen                                         

2.      Ellinor Jåma                                           

3.      Aasta Granefjell                                       

4.      Paul Bendikk Jåma                                 

5.      Sigfred Hilmar Jåma                               

6.      Kristina Indianna Sara                            

7.      Sigbjørn Dunfjeld                                                       

8.      Laila Holm Bull                                      

9.      Anita Dunfjeld Aagård                           

10.  Kristin Sara                                                   

11.  Vidar Andersen                                       

12.  Per Grønvoll                                             

13.  Per Fjellstrøm                                          

14.  Torgeir Østmo  

15.  Berit Kristine Andersen