Dan oktavuođas sádde NSR-nuoraidlávdegoddi SMSaid ustibiidda ja oahppásiidda muittuhusain dieđihit jienastuslohkui. Mii ávžžuhit buohkaid váldit bures vuostá SMSaid ja sáddet daid viidáseappot nuoraide geaid diehtibehtet sáhttet čálihit iežaset jienastuslohkui. Nu go diehtit, de leat leamaš unnán nuorat jienastuslogus dássážii.

Geat sáhttet leat sámi jienastuslogus?

Go čáliha sámi jienastuslohkui, de ferte duođaštit ahte atná iežas sápmelažžan, ja ahte lea sámegiella ruovttugiellan, dahje eatnis, áhčis, áhkus, ádjás, máttaráhkus dahje máttarádjás lea/lea leamaš sámegiella ruovttugiellan, dahje lea olbmo mánná guhte juo lea sámi jienastuslogus.

Mot čálihit sámi jienastuslohkui?

Geavat skovi maid leat ožžon poasttas dahje viečča skovi dás . Sáhtat maid dingot skovi Sámedikkis. Skovi galgá deavdit ja sáddet Sámediggái.

Áigemearri 31.05