RSS-feed

Velg språk!

Utskriftsvennlig versjon Viimmat doarjja nannet giellaguovddážiid
NSR jođiheaddji ja presideantaevttohas Aili Keskitalo (olgeš bealde) lea duhtavaš go giellaguovddážat dál vuoruhuvvojit bušeahttasoabahusas posišuvnna, NSR ja Olgešbellodaga gaskka Sámedikkis. Dá ovttas Ann-Mari Thomasseniin, gii lea NSR frakšuvdnajođiheaddji plána- ja finánsalávdegottis. 
NSR sámediggejoavku ávvuda go lea nagodan oažžut lassi njuolggojuolludemiid giellaguovddážiidda Sámedikki 2013 reviderejuvvon bušeahta lávdegoddegieđahallamis. 

Almmuhuvvon: 27.05.2013

- Mii leat hui ilus go leat nagodan oažžut posišuvnna ja Olgešbellodaga bušeahttasoabaheapmái, mat dál dorjot min evttohusa juolludit eambbo doaibmadoarjaga giellaguovddážiidda, lohká NSR parlamentáralaš jođiheaddji ja presideantaevttohas Aili Keskitalo.

Maŋŋel Sámedikki reviderejuvvon bušeahta lávdegoddemeannudeami lea dahkkojuvvon bušeahttasoabaheapmi gos earret eará giellaguovddážat leat stuorámus vuoitit go ožžot lassi juolludemiid oktiibuot 2 milliuvnna ovddas. Nu go dál lea evttohuvvon, de oažžu guhtege giellaguovddáš 150 000 ruvnno lassi doaibmadoarjaga.

- Dát lea illubeaivi sámepolitihkas. Viimmat leat ožžon doarjaga dasa ahte giellaguovddážat galget oažžut lassi doaibmadoarjaga. Dán ovddas mii leat guhká bargan, ja maŋemustá 2012 skábmamánu bušeahttagieđahallamis. Dalle eat ožžon doarjaga, ja danne lea ge erenoamáš illudahtti go dál leat nagodan dan, lohká hui duhtavaš presideantaevttohas.

Son čujuha dasa ahte giellaguovddážat leat leamaš dehálaš áššin NSR:ii čađat áigge. – Leimmet mii geat álgoálggos oaččuimet giellaguovddážiid mielde bušehttii, ja buot bohtosat maid sii olahit duođaštit ahte lei rievttes vuoruheapmi dalle. Dál mii nannet fas giellabarggu buot sámi guovlluin, loahpaha Keskitalo.





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S