RSS-feed

Velg språk!

Utskriftsvennlig versjon 20. sámekonfereansa Murmánskkas
NSR delegašuvdna 20. sámekonferansii.
20. sámekonfereansa lágiduvvo dáid beivviid. Fáddán lea “Sápmi 2053 – Sámi kultuvrra deaivvadeapmi industrialiserenlassánemiin”. NSRs leat máŋga oasálastit konfereanssas.

Almmuhuvvon: 03.05.2013

Duorastaga miessemánu 2. b. álggahuvvui 20. sámekonfereansa man Sámeráđđi lágida. Konfereansa lea dán vuoro Murmánskkas ruoššabeale` Sámis.

Sámekonfereansa lea stuorra dáhpáhus mii čohkke buot sámi váldoorganisašuvnnaid Norggas, Ruoŧas, Suomas ja Ruoššas. Konfereansa ii lágiduvvo eará go juohke njealját jagi, ja adnojuvvo leat dehálaš arena gos politihkka ovdánahttojuvvo ja čovdosat hutkojuvvojit olles sámi álbmogii.

Aili Keskitalos leat stuorra vuordámušat čoahkkimii, ja čujuha dasa ahte leat dehálaš, áigeguovdilis fáttát mat galget digaštallojuvvot. – Mun vuorddán miellagiddevaš ságastallamiid áigeguovdilis sámepolitihkalaš áššiid birra, nu go sisabahkkemat ja sámedikkiid jienastusloguid eavttut, cealká son. NSR áigu maid evttohit ahte buot sámediggeválggat galget seamma beaivve lágiduvvot.

Sámekonfereanssa fáddán lea Sápmi 2053 –

Sámi kultuvrra deaivvadeapmi industrialiserenlassánemiin. Dán digaštallamii gullet maid hástalusat minerálaroggama oktavuođas ja gažaduvvo lea go vejolaš gávdnat oktasaš eavttuid mat galget leat vuođđun jienastusloguid čálihemiide.

NSR jođiheaddji lea konferensii váldán NSR delegašuvdnii mielde Vidar Andersena, Marion Ravna, John Trygve Solbakka, Piera Heaika Muotka ja Áike Selforsa. Dasa lassin oasálastiba NSR áirrasguovttos Sámeráđis Áile Jávo ja Geir Tommy Pedersen. NSR sámediggejoavkku čálli Runar Myrnes Balto veahkeha ges Sámeráđi čállingotti konfereanssas.

Konfereansa bistá miessemánu 4. beaivái, ja dan sáhtát sosiála mediain čuovvut #sapmi2053.

 





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S