RSS-feed

Velg språk!

Utskriftsvennlig versjon Bivdá Sámedikki doalahit fokusa čovdosiidda boazolohkuáššis
Aili Keskitalo bivdá Sámedikki doalahit fokusa čovdosiidda boazolohkuáššis

Almmuhuvvon: 27.02.2013

- Fuolastuvan go oainnán stáhta plánaid boazologu heiveheami oktavuođas, ja oaivvildan ahte Sámediggi ferte ovttasbargat váikkuhan dihte eiseválddiid, dadjá Norgga Sámiid Riikasearvvi (NSR) jođiheaddji Aili Keskitalo. Son reagere dál go oaivvilda ahte Bargiidbellodat sirdá fuopmášumi áššis eret, buoret go deattuhit gávdnat čovdosiid áššái darvánit baicce historjái.

- Mii oaidnit ahte Bargiidbellodat geahččala sirdit fuopmášumi eret das mas dás lea sáhka, dan bokte ahte dadjet ahte otná dilli bággodoaibmabiju-áitagiin lea Sámedikki sivva. Mii oaivvildat ahte dá lea historjjá rievdadit, ja čujuha Sámedikki mearrádussii áššis. Lea čielggas ahte sirdet fuopmášumi áššis eret oažžun dihte eret fokusa das ahte lea Bargiidbellodat ráđđehus mii stivre proseassa. Mii ipmirdat ahte lea hui unohas Bargiidbellodaga sámediggeáirasiidda gullat bellodahkii mii jođiha dán garra politihka boazodoalu ja sámi servodaga vuostá, muhto dát fasttes sátnegeavaheapmi lea ságastallat hui vuollegis dásis.

Dál sus leat vuordámušat sámediggeráđđelahttui Ellinor Jåmai (ÅSG) guđes lea ovddasvástádus dán áššis sámediggeráđis. - Mii sávvat dál ahte Ellinor Jåma guhte lea ovddasvástideaddji sámediggeráđđelahttu áššis doalaha fokusa áššis ja fuolaha ahte Sámediggi bargá oktasaš strategiijaid ovdii. Mii hálidat leat veahkkin, danne loktet mii guokte ođđa ášši Sámedikkis odne mat leat čadnon boazologu heiveheapmái.

NSR áirasat evttohit sihke hástalit Stuorradikki čađahit gulaskuddama boazologu heiveheami birra, mas bohtet ovdan buot váikkuhusat maid heiveheapmi sáhttá mielddisbuktit, ja ahte Sámediggi ferte  váikkuhit ahte biddjojuvvo johtui dutkan dán áššis.

Sámedikki mearrádus boazodoallolágas (protokolla dievasčoahkkimis 03/06)

Sitáhta Ot.prp nr 25:as. (2006-07 "Sihke Sámediggi ja NBR doarjuba lávdegotti árvalusa man mielde unnimus siidaoasit suodjaluvvojit."

Oktavuođadieđut:

Sámediggeáirras Aili Keskitalo: 992 75 980.





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S