RSS-feed

Velg språk!

Utskriftsvennlig versjon Álttá siida lea dehálaš sámi deaivvadanbáiki
NSR riikkastivrras lei čoahkkin Álttas máŋimus váhkoloahpa. Dát govva lea váldejuvvon riikačoahkkimis. 
Dan muitala NSR riikkastivra cealkkamušas. Lea dehálaš ahte Sámediggi álggaha gulahallama Áltta siiddan, ja ahte čájehit várrogasvuođa unnidit dán doaimma dorjaga ovddasguvlui.

Almmuhuvvon: 18.12.2012

Norgga Sámiid Riikkasearvvi (NSR) riikkastivra hálida rámidit Álttá siidda áŋgiruššiid ja bargiid dehálaš barggu ovddas fállat sámi deaivvadanbáikki Álttás. Sihke doaibma mii lea sámi mánáidgárddi ja giellaguovddáža olis lea áibbas guovddáš addin dihte sámi ássiide gávpogis dárbbašlaš fálaldaga.

NSR riikkastivra hálida maid deattuhit kulturviessooasi Álttá siidda doaimmas. Kulturviessooassi Álttá siidda barggus lea maiddá guovddážis doaimmas addit álbmogii eará fálaldagaid main lea kultuvrralaš ja sosiála hápmi. Riikkastivra lea danne hui kritihkalaš ahte Sámedikki posišuvdna mas leat Bargiidbellodat, Árja ja Åarjel-Saemiej Gïelh eai vuorut doarjaga kulturviesooassái Álttá siiddas.

NSR riikkastivra oaivvilda ahte lea dehálaš ahte Sámediggi álggaha gulahallama Álttá siidda stivrrain ja Álttá sámiid searvvi stivrrain digaštallan dihte dili ja erenoamážit makkár mihtut leat dáid ásahusaid ovdáneami hárrái ovddasguvlui.

Riikkastivra lea ipmirdan nu ahte Álttá siida lea kulturviessofálaldat mas lea čielggas ahte leat hui iešguđetlágan lágideaddjit báikegottis guđet geavahit lanjaid. Dat illudahttá min, ja mii leat rámis go gávdno sámi kulturviessu gos čuovggat čuvget árrat iđđedis gitta maŋŋit eahkedii, ja gos sihke mánát, nuorat ja rávisolbmot deaivvadit hárjehallat zumba, geahččat kulturfilmmaid, guldalit logaldallamiid, lávlut, doallat lávvardatkaféa, solidaritehtakaféa ja duodje- ja giellakurssaid ja čoahkkinastimiid maid sihke politihkalaš searvvit ja idealisttalaš organisašuvnnat lágidit, ja oktasaš čoahkkimiid nu go ovdamearkka dihte Álttá suohkana areálaplánaid barggu oktavuođa.

NSR riikkastivra hálida danne deattuhit ahte dát doaibmadássi mii Álttá siiddas lea, lea dehálaš sámi servodahkii. Mii ávžžuhat danne otná posišuvnna Sámedikkis čájehit várrogasvuođa unnidit dán doaimma doarjaga ovddasguvlui. Riikkastivra oaivvilda ahte sámi servodat vuoittahallá jus Álttá siida ii sáhte joatkkit kulturviessooasi doaimmain.



Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S