RSS-feed

Velg språk!

Utskriftsvennlig versjon Sámi mánáin galgá leat sámi mánáidgárdesadji
- Sámi mánáin galgá leat vejolašvuohta oažžut sámi mánáidgárdesaji dadjá NSR sámediggeáirras Kirsti Guvsám. 

Almmuhuvvon: 27.11.2012

- Mii oaivvildat ahte sámi mánáin lea vuoigatvuohta fállojuvvot sámi mánáidgárdesaji, ja ahte sámi mánát eai oaččo dan fálaldaga dál, dadjá Guvsám. - Go mánáidgárdeláhka rievdaduvvui 2008s de nannejuvvui lága bokte individuálalaš vuoigatvuohta mánáidgárdesadjái. Dalle ii váldojuvvon vuhtii ahte sámi mánáin ferte leat vuoigatvuohta sámi mánáidgárdesadjái, nu go dáža mánáin lea, dadjá Guvsám.

- NSR:as lea guhká leamaš politihkka sihkkarastit sámi mánáide mánáidgárdefálaldaga mas lea sámi giella ja kultuvra vuođđun dadjá Guvsám. - Jo 1985s meannuduvvui resolušuvdna NSR riikkačoahkkimis Oslos mas gáibádus lei individuálalaš vuoigatvuohta sámi mánáidgárdesadjái. Oassi resolušuvnnas lea ná: "Buot sámi mánáin galgá leat vuoigatvuohta mánáidgárdefálaldahkii mas lea vuođđu sámi servodagas mii guoská sisdollui. Sámegielat mánáin galgá leat vuoigatvuohta mánáidgárdefálaldahkii iežaset eatnigillii. Sámi mánáin geain lea sámegiella nubbingiellan ja sámi mánáin geat dušše hálddašit dárogiela galgá leat vuoigatvuohta mánáidgárdefálaldahkii gos sámegiela oahpahus lea oassin fálaldagas. Dát ferte nannejuvvot lága bokte." Danne lea buorre ahte evttohus sámediggedieđáhussii sámi mánáidgárddiid birra sisttisdoallá sullasaš evttohusa oaivvilda Kirsti Guvsám.

- 2005s ja 2009s manaimet válggaide dáinna politihkain, ja 2008s sáddii NSR gulaskuddancealkámuša departementii go evttohuvvui lága bokte nannet vuoigatvuođa mánáidgárdesadjái. Mii eat ožžon coavcci mánáidgárdelágas, muhto mii leat lokten ášši sihke Sámedikki dievasčoahkkimis ja eará oktavuođain maŋŋá, dadjá Guvsám.

Dál sávvá Guvsám ahte eanaš joavkkut Sámedikkis dorjot dán oasi evttohusas dieđáhussii sámi mánáidgárddiid birra.

Dáppe sáhtát lohkat gulaskuddancealkámuša: https://docs.google.com/viewer?url=http://www.regjeringen.no/Upload/KD/Hoeringsdok/2007/200705160/Norske_samers_riksforbund.pdf





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S