RSS-feed

Velg språk!

Utskriftsvennlig versjon Riikačoahkkima gudnebálkkášupmi addojuvvo Hans Ragnar Mathisenii
Hans Ragnar Mathisen addojuvvoi riikačoahkkima gudnebálkkášumi 2012. L

Almmuhuvvon: 27.10.2012

Mii áigut dál juohkit riikkačoahkkima gudnibálkkašumi, dat manná ovtta olbmui guhte lea dáhkan erenoamáš áŋgiruššama sámi áššiid hárrái olles eallinagi.

Lea šaddan árbevierrun gudnejahttit min ovdagovaid dáinna lágiin, ja lea dehálaš čalmmustahttit sihke alddámet ja earáide ahte ovttaskasolbmuid áŋgiruššamis lea mearkkašupmi. Mii sáhttit buohkat dahkat juoga diliid rievdadit, ja muhttimat ánssášit erenoamáš fuopmášumi.

Son guhte dán jagi oažžu gudnibálkkašumi lea olles eallinagi leamaš oassin sámi servodagas, sihke dáiddárin, čanastahkan riikkaidgaskasaččat ja áŋgiris kulturbargi báikkálaččat.

Son lea mánnávuođa rájes bargan dáidagiin, ja olles eallingearddi lea su dáidda leamaš máŋgga visuála hámis. Eanemus dovddus ja soaitá deháleamos midjiide leat su kárttat, mat leat šaddan sámi ikonan. Kárttat leat dáiddalaččat hábmejuvvon ja seammás manifestašuvnnat sámi ássamis davvin. Nu leat dat šaddan gievrras ovdanbuktimat mat leat hui dehálaččat midjiide sápmelaččaide ja earáide, sihke dáiddalaččat ja historjjálaččat.  Kárttat leat sáhkavuorut vuoigatvuođadigaštallamis mii dađistaga joatkašuvvá.

Riikkaidgaskasaččat son lea leamaš čanastahkan. Son lea ásahan fierpmádagaid eará eamiálbmogiiguin, erenoamážit Asias. Son lea earret eará Sámi Naga ustitsearvvi ja Nanafestivála duogábealde, mas solidaritehta ja ustitvuohta lei guovddážis.

Su áŋgiruššama bokte báikkálaš sámeservviin ja NSR riikkastivralahttun, lea son leamaš mielde hábmet sámi kulturpolitihka, ja politihka eará surggiin. Sus leat iežas oaivilat, ja lea gaskkohagaid leamaš kritihkalaš jietna organisašuvnnas. Maiddá olggobealde organisašuvnna lea son bargan gillilit sámi giela ja kultuvrra ovddas iežas lágašbirrasis. Son lea leamaš searvvis čalmmustahttit Romssa sámi ruovttubáikin ja sámi gávpogin, ja danne lea heivvolaš ahte son oažžu dán bálkkašumi justa dál, go mii leat čoahkkanan Romsii riikkačoahkkimii -

Dán jagáš gudnibálkkašupmi addojuvvo Hans Ragnar Mathisenii.





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S