RSS-feed

Velg språk!

Utskriftsvennlig versjon Gáibidi beassat oaidnit bargodokumeantta orohatriidduid birra
Ann-Mari Thomassen gáibidi ikte ahte Sámediggeráđđi galggai almmuhit čiegus dokumeantta orohatriidduid birra
NSR gáibidi ikte ahte Sámediggeráđđi heaitá čiegadeames, ja almmuha dan nu gullon bargodokumeantta mii muitala mo galgá gávdnat čovdosa riidui gaskal norggabeale ja ruoŧabeale boazoeaiggádiid.

Almmuhuvvon: 25.09.2012

NSR gáibidi ikte ahte Sámediggeráđđi heaitá čiegadeames, ja almmuha dan nu gullon bargodokumeantta mii muitala mo galgá gávdnat čovdosa riidui gaskal norggabeale ja ruoŧabeale boazoeaiggádiid.

- Mii vuordit ahte dákkár dokumeanttat sáddejuvvojit sámediggeáirasiidda ja bivdit ahte dát dokumeanta sáddejuvvo jođánepmosit NSR sámediggejovkui, čáli sámediggeáirras Ann Mari Thomassen gáibádusas mii geigejuvvoi Sámediggeráđđái ja Sámediggái ikte. 

Várrepresideanta Laila Susanne Vars cealkkái ikte áššis NRK Sámis ahte sus lea eará oaivil go ráđis, dainna ákkastallamiin ahte lea biddjojuvvon strategiija čielggadan haga makkár váikkuhusat das leat norggabeale boazosápmelaččaide.

- Go sámediggeráđđi lea mearridan dokumeantta man birra eai leat nagodan šaddat ovttaoaiviliid, de dat čájeha man duođalaš ášši lea. Danne gáibidat ahte olles Sámedikki dievasčoahkkin oažžu diehtit mii plána lea. Mo govahallá eanetlohku Sámediggeráđis ahte orohatriiddut galget čoavdašuvvat, imaštalái Thomassen ikte.

Ikte bođi diehtu ahte dokumeantta dál boahtá almmuhuvvot. NSR gavdná dan imašlažžan ahte ráđđi sihke lea duollan dokumeantta čiegus ja lohkan ahte ii gávdnu, muhtu NSR muitala ahte leat duđavažžat go dál lea almmuhuvvon.

Les på norsk / Loga dárugillii





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S