NSR lea bidjan Bocamic (www.bocamic.se) fitnodaga lágidit mátkkiid ja orruma jagi 2012 jahkečoahkkimii. Danin ferte juohkehaš dieđihit iežas mátkefitnodahkii. Báikkálaš searvvit ožžot e-boastta Bocamicas. Čuvvot dieđihan bagadusa mii e-boasttas boahtá. 

Gaskaboddasaš dieđihanáigemearri

Áigemearri dieđihit dán jagáš riikačoahkkimii lea golggotmánu 1. beaivvi!

Fápmudus ja máksojuvvon miellahttudivvagat

Buot sáttatgottiin ferte leat dohkkehuvvon fápmudus báikkálaš servviin. Ja buot jahkečoahkkin oasseváldit fertejit leat máksán jagi 2012 miellahttodivvaga. Jos dárbbašat eanet dieđuid, váldde oktavuođa Thomasiin čállingottis.

Mátki ja iešmáksu

Dieđihuvvo daidda geat girdiin fertejit mátkoštit, mo riikačoahkkinmátki diŋgojuvvo go lea dieđihuvvon riikačoahkkimii. Báikkálaš searvvit gokčet sáttatgottiid mátkegoluid, ja mátkedoarjja máksojuvvo dasto maŋŋá. Dát guoská busse-, toga-, fanas- dahje biilamátkái.

Báikkálaš searvvit mákset iešmávssu, mii lea 800 ru.

Mátkošteapmi bussiin, fatnasiin ja iežas biillain

Jos leš dárbu dahje vejolaš, de fertejit sáttatgottit ieža ordnet mátki riikačoahkkimii, dahje girdišiljui/togastašuvdnii. Stáhta máksomearri máksojuvvo dušše biillaid ovddas mat dárbbašuvvojit báikkálaš servviid sáttatgottiid mátkái riikačoahkkimii. Geaidda girdijohtolat lea hálbbit go biilajohtolat, de sáhttet mátkoštit biillain, muhto dán ferte soahpat čállingottiin, ja eaige sáhte vuordit ahte stáhta biilamátke máksomeari mielde máksojuvvo mátki.

Girdi mátki:

Measta buot báikkálaš searvvit mátkoštit girdiin Romsii. Báikkálaš searvvit mat eai beasa girdin johtit leat: Romssa sámi searvi, Sážžá ja biras sámiid searvi, Moskavuona sámesearvi, Gáivuona sámesearvi, Hárštá ja biras sámiid searvi, Iinná ja biras sámiid searvi, Ráhkká ja biras sámiid searvi ja Návuona sámiid searvi.

Geardduhat vel ahte didjiide dieđihuvvo mo girdimátki galgá diŋgot go lehpet dieđihanskovi bokte dieđihan.

Idjadeapmi:

Riikačoahkkin dollojuvvo Sydspissen hoteallas (geahča www.sydspissenhotell.no). Állet váldde oktavuođa hoteallain, Bocamic doaibme hotealla oktavuođaid.

Eará:

Romssa girdišilljus manná báikkálaš busse hotellii, lea maid vejolaš ovttas drošjiin johtit hotellii jos unnimus golmmas johtet fárrolagai! Jos drošjiin okto johtá, de dát gollu ii máksojuvvo. Go dieđiha riikačoahkkimii, de oažžu dieđu Romssa báikkálaš bussiid birra.

FUOMÁŠ!

Ii leat vejolaš mátki diŋgot ovdal go báikkálaš searvvit leat dieđihan čállingoddái sáttatgottiid namaid. Danin bivdit báikkálaš servviid deavdit fápmudusskovi ja máhcahit dan nsr@nsr.no dahje NSR, Pb. 173, 9521 Guovdageaidnu nu jođánit go vejolaš. Lea vejolaš telefuvnna bokte dieđihit sáttagottiid gaskaboddosaččat.

Ja muitte fal ahte dieđihanáigemearri lea golggotmánu 1. beaivvi!