Sámelága giellanjuolggadusaid mielde galget almmolaš bálvalusaid geavaheaddjit sámi giellahálddašanguovlluin hálddašuvvot sámegillii, sihke čálalažžat ja njálmmálažžat, dadjá Trond Are Anti, ja muittuha ahte Sámediggi juohke jagi juolluda guovttegielatruđaid suohkaniidda ja fylkasuohkaniidda mat leat sámi giellahálddašanguovllus. – Mii NSRas ja Sámealbmot bellodagas evttohit ahte dál ásahuvvo bearráigeahčči mii galgá čuovvut mielde guovttegielatruđaid geavaheami. – Dakkár bearráigeahčču sáhttá muitalit gosa manne dat 46 miljovnna maid Sámediggi juolludii 2012, dadjá Anti.

Sámedikkeáirras Trond Are Anti evttoha ahte Sámediggi guorahallá ásaheamis dakkár bearráigeahču. – Guorahallan berre leat sajis čakčamánu dievasčoahkkimii ja bidjot ovdán das mas lea mihttun ásahit orgána 2013is mii lea našunálálaš giellajahk.

---------------

På norsk / Dárogillii