NSRas lea leamaš mihttun buktit fálaldagat nuoraide geat háliidit oahppat eambbo sámepolitihkka birra ja oaidnit movt NSR bargá áššiiguin. Mii doaivut dát movttidáhtta oassalastit politihkkálaš poreseasaide NSRas ja Sámedikkis, ja boahttevaš Sámedikkeválggaide. Piera Heaika Muotka (19 jahkásaš) lea oassálastan nugo min traineeain dan guokte maŋemuš sámediggedievasčoahkkimiin mannan čávčča. Piera Heaika lei mielde NSRa joavkkočoahkkimiin ovdal dievasčoahkkima ja dievasčoahkkimis. Traineeoassalastin galgá addit ipmárdusa maid NSRa sámediggejoavku barga ovdalgihti- ja dievasčoahkkimiin Sámedikkis. Piera Heaika dadja ahte mihtu ektui lea ortnet hui buorre go beassá čuovvut ášši gieđahallama rájes joavkkočoahkkimis, guoski komitea gieđahallama čađa ja gitta dassá ášši loktejuvvo ja meannuduvvo dievasčoahkkimis. – Dát lei duođai movttiidahtti, dadjá traineea, ja ávžžuha eará nuoraid ge searvat dán ortnegii.

Dás sáhtat lohkat Piera Heaika trainee vásahusa.

Dát ortnet lea meinnestuvvan hui bures, dadjá NSR-n jođiheaddji Saia Stueng, ja oaivvilda ahte dát ortnet mii lea NSR-n jurdda vuosttažettiin addá vejolašvuođa nuoraide oahppat, muhto maiddái váikkuhit. – Dát dilli nanne rekrutterema sámepolitihkkii olggobeal daid saiaduvvon ortnegiid nugo ovdamearkadihte nu movt SUPU dahka, muhto eanemusat adda nuoraide njuolgga vejolašvuođa váikkuhit dan sámepolitihkka mii fievrreduvvo. NSR lihkkostuvai 2005a válgga oktavuođas nissoniid beroštumi boktit, ja dalle bohte maid nuorra fámut politihkkii. – Dát lea veahá eará vuohki movt boktit beroštumi ja addit nuoraide ovddasvástádusa, ja NSR-n lea ilus go sámediggejoavku lea čájehan rabasvuođa ja heivehan dili nu bures ortnega heiveheamis, dadjá duhtavaš Saia Stueng loahpas, gii ieš sávvá oažžut vejolašvuođa váldit moadde vahkku friddja skuvllas oassálastit trainee-ortnegis muhtomin.

Leatgo min boahttevaš traineea?

Šaddat min boahtte traineain ii leat nu váttis. Váldde oktavuoa NSR jođiheaddjin Aili Keskitalo, mob:971 29 305 eboasta:aili.keskitalo@gmail.com dahje  Thomasin čállingottis nsr@nsr.no 

Trainee galgá čuovvut NSR sámediggejoavkku joavkočoahkkimiin, komitéačoahkkimiin ja dievasčoahkkimis, ja mii ávžžuhit ahte guktii oassálastá. Go leat traineea de mii fállát dutnje buot dokumeanttaid, ja don oažžut cealkin- ja evttohanrievtti joavkkus. Mii vuordit ahte traineea bargá muhtin báhcan bargguin sámediggejoavkku ovddas, nugo čállit evttohusaid, mearkkašumiid ja preassadieđáhusaid. Dasalassin vuordit ahte don veahkehat ođasmahttit NSRa neahttasiiddu ja sosiála mediaid nugo twitter ja facebook siiddu go mis leat komitea- ja dievasčoahkkimat. Traineea oažžu buhtadusa šiehtadusa mielde. Mii máksit maid mátkoštan ja orrun goluid. NSRa sámediggejoavku fállá maiddái mentora/bágadalli sunnje gii háliida searvat dán ortnegii.