Mubpie åvtehke Saemiedigkien soejkesje- jih finansemoenehtsisnie, Ann-Mari Thomassen NSR’este lea aavone ihke tjïelten- jih reerememoenehtse Stoerredigkesne lea aktine mïerhkesjimmine båateme staatebudsjedtese ihke reerenasse dan varke gåarede tjuara Raavrevijhken tjïeltem meatan vaeltedh reeremedajvese saemien gïelide.

– Manne vienhtem daate akte ryøktesth illedahke govlehtimmietjåanghkoste Saemiedigkien budsjedtedaerpiesvoeten bïjre 2012, maam Saemiedigkien soejkesje- jïh finansemoenehtsen åvtehke jïh mubpie åvtehke tjïrrehtin Stoerredigkien tjïelten- jïh reerememoenehtsinie duarstan, rïhkeden 27.b. daan jaepien.

Akte dejstie teemijste maam bæjjese veelti lij gaskem jeatjah dïhte haarmoe ihke reerenasse ij lij raeriestamme beetnegh dåarjodh staatebudsjedten bijjelen juktie Raavrevijhken tjïeltem meatan vaeltedh reeremedajvesne. – Dah åvtehkh Saemiedigkien soejkesje- jih finansemoenehtsisnie tjuevtjiedin reerenassen dahkoesoejkesjasse saemien gïelide, jïh Stoerredigkiem heestin viehkiehtidh guktie Raavrevijhken tjïelte meatan sjædta, dannasinie tjïelten akte akteraeresne nænnoestimmie aamhtesisnie.

– Manne dannasinie joekoen madtjeles dejnie mïerhkesjimmine tjïelten – jïh reerememoenehtsen jienebelåhkoste mij hævvi vienth sæjhta darjodh guktie Raavrevijhken tjïelte meatan sjædta staeriedamme staatebudsjedtesne. Ann-Mari Thomassen minngemosth aktine heelseginie orrije Raavrevijhken tjïeltese: – Mijjieh årroejidie Raavrevijhken tjïeltesne læhkoehtibie dej nuepiejgujmie daate sæjhta vedtedh dan åarjelsaemien gïelese jïh dan åarjelsaemien kultuvrese, dovne tjïeltesne jïh abpe regijovnesne!

----------

På norsk / daaroengïelesne