Lea duođalaš go Sámedikkeráđđi lea geavvan feaskárii boazodoaloáššiin. Váilevaš gulahallan lea rihkkun dan geatnegasvuođas mas Norga lea čatnon boazodoalo ektui nugo álgoálbmotealáhus, dadjá sámedikkeáirras Áilen Niga Máhtte, Mathis Nilsen Eira Norgga Sámiid Riikasearvvis (NSR).

Meannudeami oktavuođas Sámedikki cealkámušas boazodoalošiehtadallamii 2012-2013 mieđahallá Sámediggeráđđi ahte leat geavvan feaskárii boazodoaloáššiin.

-Dat váilevaš gulahallan Eanandoalo- ja biepmodepartamenttain lea balddihahtti, oaivvilda Áilen Niga Máhtte, gii dadjá ahte dán dilis ferte Sámedikkepresideantta Egil Olli váldit ášši stádaministariin Jens Stoltenbergain. – Ii leat obanassiige dohkálaš ahte Eanandoalo- ja biepmodepartamentta rihkku ollásit gaskariikálaš konvenšuvnnaid ja bures vuođđuduvvon prinsihppa našunála álgoálbmotsearvama.

– Ferte jearrat maid Ráđđehusa boazodoalopolitihkka duođai sistisdoalla. Leat olu ovdamearkat gos departameantta lea čájehan badjelgeahččanvuođa sihke Sámediggái ja ealáhussii, ahte dál sáhttá roahkka hupmat eahpeluohttámuša birra, cealkka Áilen Niga Máhtte.

-Jearahan leago son Sámedikkeráđis doarvái fámut beassat čađa sihkkarastit boazodoalopolitihkka gos lea luohttevašvuohta sámi álbmogis, loahpaha sámedikkeáirras Áilen Niga Máhtte.

Áššit gos Sámedikkeráđđi ii leat váldon vuhti (geahča ášši 44/11)

• Fálaldat boazodoalošiehtallamiidda
• Fáttabagadallan boazodoaloguovlluide
• Árvojuogusteapmi boazodoaloguovlluin
• Eavttut/Dovdomearkat ceavcilis ekologalaš boazolohgus
• Árvvoštallan boazodoalošiehtadallamiid ja bargočilgehus olgguldas árvvoštallannákca boazodoalolágas
• Boahtteváš hálddašanortnet boazodoaloealáhusas