Stuora guovlu dárbbaša eallit oadjebasas

Leat sulli 120 000 ássit Gaskka-Hålogalandda guovllus masa gullet Lofuohta, Ofohta, Matta-Romssa ja Viesterála. Norgga Sámiid Riikasearvi (NSR) lea balus eallá go dát álbmot oadjebasas. Ann-Mari Thomassen, NSRa sámedikkeáirras  dadja ahte guovllus ii leat dohkalaš helikopter gearggusvuohta gos áigi lea heaggadehalaš ášši. – Buohccit geat gevvet dakkár heahtedillái ja dárbbašit beassat doaktára lusa lea váttis, dadja Thomassen. Buohccigirdifálaldat ferte sáhttit doalvut doavtterčehpiid jođanit heahtedilis gos áigi lea mearrideaddji gádjut buhciid dahje dahkkat nu ahte ii dárbbaš guhkes buoridanáiggi, čilge Thomassen.

Buohcciviessorganiseren lea mielddisbuktan buohcciviesufálaldat sentraliseršuvva. Dát mielddisbukta ahte buohccit gevvet guhkes fievrredemiid mielde buohcciviesuide ja eará dikšunbáikiide.

Ásahit buohccigirdibása

Otne lea beare guhkes girdináigi lagamus buohccigirdibásai álbmogii geat orrot Gaskka-Hålogalánddas. NSR oaivvilda ahte lea dárbbašlaš ásahit buohccigirdi gaskal Bodeaddju ja Romssa nu ahte álbmot Gaskka-Hålogalanddas ožžot dássasaš fáladaga nugo iežá álbmot riikas. NSR sámedikkejoavkku bivda Sámedikkeráđi ášši loktet dearvvašvuođaeiseváldiin.

Thomassen dadja viidaseabbo ahte molssašuhtti dálki lea nubbe ášši. – Danin šadda báikesadji Gaskka-Hålogalánddas dahkkat ahte guovllu álbmot ii leat nu hearki ja dálkesorjavaš nugo leat otná dilis gos helikopterat leat stuorat gávpogiin. –Váldoulbmil helikopterin lea ahte doavttir dolvojuvvo buohcci lusa nu jođanit go vejolaš. Dát gádju heakka. Loahpaha sámedikkeáirras Ann-Mari Thomassen.

Gulahallanolmmoš: NSRa sámedikkeáirras, Ann-Mari Thomassen, mob: 900 57123