Mii háliidit jubilántta iežas riegadanbeaivve maiddái sávvat lihkku! Su govda servvodatáŋgiruššamis leat Edel Hætta Eriksenis leamaš mánggat luohttámušat NSRas. Árkiiva guovlaleames oaidnit su rolla NSRa vuođđodeames 1968is, dan áigge áidna nissonolmmoš guovddaš luohttámušsajis. Vuolabealde čájehit 2 gova NSR-riikačoahkkimis 1974is, ja dan rájes lea Edel bargan oažžundihte Sámeálbmot listtu áirasa fápmo feaskkariidda.

Álggos oaidnit Edela NSR-riikastivrračoahkkimis 1974:is 

Jađe govva logi jagi árabu go searvvái Sámeálbmot listtui:

Ávvudeamis golggotmánu 8.beaivve ovddasdii NSRa bealis čállingottejođiheaddji Thomas Myrnes Nygård NSR guovddaža. Dasalassin lei Guovdageainnu sámesearvvi ovddas Turid Vesterheim, ja Sámeálbmot bellodaga ovddas Klemet Erland Hætta. Sii bukte čuovvovaš dearvvuođaid:

Ráhkis Edel, ja ráhkis Edela ollu guossit!

Mii NSRas vásihit Edela erenoamaš govda servvodatáŋgirvuođa maid lea čájehan iežas eallima ja barggu bokte. Daid buriid leat mii vásihan dan rájes Guovdageainnu sámesearvi vuođđuduvvui 1963as, ja mii máŋŋel šattai Norgga Sámiid Riikasearvi vuođđudus 1968as gos Edel lei guovddažis ja miellahttun NSRa vuosttaš riikastivrras.

Edel lea leamaš áktiiva miellahtun NSRa báikkalaš searvvis Guovdageainnu sámesearvvis dál meastá 50 jagi, ja iešguđetlágan stivramielláhttun ja sáddejuvvon riikačoahkkimiidda, konferánsaide ja maid áirras Sámeráđis. Son lea danin leamaš báikkalaš searvvi gutnimiellahttun. Sámeráđis ii lean vejolašvuohta boahtit otne, nu ahte Sámeráđi ovddas buktit lihkkusávaldagaid ja giitosa.

Mii geat NSRa bealis leat ovttasbargan Edelin lea son midjiide inspirášuvdnan, ja son lea maiddái čeahppi muittuhit midjiide daid guhkes historjjálaš bálgaid. Mii leat hui giitevažžat dan áiggi ja fámuid maid Edel lea bidjan min organisašuvdnii ja nannendihte sámi servvodaga. Mii leat vásihan Edela nugo dakkár olmmoš gii lea utnolaš ja siivui, muhto sus leat hui čielga oaivilat. Mii leat hui ilos oaidnit ahte son lea áin doaimmalaš, ja sávvat sunnje vel eamppo aktiivvalaš jagiid.

Sámeálbmot bellodagas bohtet maid lihkkusávaldagat ja giitosat. Edelis lea leamaš stuora oasis Sámeálbmot bellodagas dan rájes go 1960-logus ceggejuvvui sámelisttu stuoradikkeválgii. Ja son lea áin seamma áktiiva, nugo dán čávčča suohkanstivraválga buori ládje čájehii. Edel válljejuvvui várremielláhttun Guovdageainnu suohkanstivrii.

Skeaŋgga maid mii geiget NSRa, Guovdageainnu sámesearvvi ja Sámeálbmot bellodaga ovddas lea diŋgojuvvon dáiddagovva maid min báikkalaš dáiddar Josef Halse lea ráhkadan. Halse ieš muitala gova birra ahte lea seaguhus collage ja nu govčoduvvon malaria gos iešguđetge teknihkkat átnojuvvoje. Inspirašuvnna govádussii gávnnai das gos Edel lea hápmen NSRs ja sámepolitihkka guhkes áiggi badjel. Ovttas miiguin lea son dasto bidjan NSR iežas logo vuođđun. Dáinna lágin doaivut ahte son heŋge stobuseaidnái ja mii beassat su veahaš hápmet ruovttoluotta!

Ráhkis Edel, ollu lihkku riegádanbeivviin, ja giitu dan ovddas maid mearkašat ja ain mearkašat midjjiide!

----------

Ja ná šattái govva maid Josef Halse lea málen.

På norsk / Dárogillii