-Sámegiel oahpaheaddjioahppui berre dál ásahuvvot álgokurša johtilit dadja Norgga Sámiid Riiksearvvi (NSR) sámedikkeáirras Silje Karine Muotka kommentarasis.

-Sihkarastit doarvái galle sámegielat oahpaheddjiid lea loahpalaš sámi servvodahkii ja sámegielaid boahtteáigái, dadja Mutoka. – Dán ovddasvástadusa ferte sihke stáhta gii oamasta alit oahppoinstitušuvnnaid ja sámi joatkaskuvllaid ovttas Sámedikkiin ja suohkaniin geahččat ja váldit vuhtii.

Mii fertet buohkat váldit vuhtii ahte Gollevirgi kampánjja ii leat doarvái rekrutteret oahppiid bistevaš vuogi mielde sámi oahpaheaddjiohppui. Kampánjja iešálddis ii leat doarvái okto sihkarastit jeavddalaš rekrutterema virgái mii soaita leat dehaleamos sámegiela boahtteáigái. Muotka dadja sámegielmáhttui lea garra gilvu ja sámi oahpaheaddjiohppui lea unna ulbmiljoavku sisaváldimii.

- Mii oaidnit ahte ollusat ohcet ja sis lea motivašuvdna álgit sámi oahpaheaddjiohppui, muhto sis váilojit gelbbolašvuohta beassat oahppui. Danin lea dehalaš sin ráhkkanaddit oahpuide, oaivvilda Muotka. – Ferte árvvoštallat álgokuršša fállat sihkarastindihte gelbbolašvuođa oahpporáhkkanan fágain, sámegielfágas ja vejolaš karakterabuorrideami daid fágain gos leat bidjon karakteragáibadusat beassandihte oahpaheaddjioahppui. Dát berre ovttasdahkkot sámi joatkaskuvllain ja Sámedikkii, Ráđđehusa ja suohkaniid čađa sihkkarastindihte ruhttadoarjaga.

-Mun doarjjun Sámi allaskvulla heaiti rektora gii árvvoštalla ahte stuorat oasis ferte leat stipeanddaruhtadeapmi sámi oahpaheaddjioahpus ja lea rievdadus maid berre jođaneamos ásahit. Go Ráđđehusas lea Sámegielaid doaibmaplána, de ii leat  várra buoret doaibma go gielaid sihkarastit go oaččut eambbo gelbbolaš sámegielat oahpaheddjiid dadja Muotka gii maiddái jođiha Sámedikki bajašaddan-, fuolahus- ja oahppolávdegotti.

--------

På norsk / Dárogillii