NSR salloša go Sámedikki eanetlohkku lea bággehallon Ráđđehusa fáŋgapolitihkkain ja ferte hilgut Riddoguolastus evttohusa. Sámedikki eanetlohkku mearridii duorasdaga geassemánu 9.beaivve 2011:is dohkkehit šiehtadusa Sámedikkeráđi ja Ráđđehusa gaskkas máŋŋa Riddoguolastus evttohusa konsultašuvnnaid. Ii Ráđđehus iige Sámedikki eanetlohkku gos Bargiidbellodat ja Árja leaba njunnožis váldan vuosttá historjjalaš vejolašvuođa ja divvut vearredaguid maid mearrasámi álbmot lea vásihan.

-Ráđđehus lea lihkkostuvvan iežas biđgen ja stivrrái politihkkain sámi servvodaga vuosttá, gávnnaha Geir Tommy Pedersen, NSRa ságadoalli ja joatka: - Mearrasámit ja riddoálbmot čohkkajit boasttooinnolažžan 3000 tonna lassieriin dorskin mii lea áidna konkrehta doaibma.

Eanetlohkku Sámedikkis atti doarjaga šiehtadussii, vaikko Ráđđehus biehttala dohkkehit riddoálbmoga historjjalaš rivttiid. Ráđđehus iige hálit ahte evttohuvvon riddoguolastuslávdegoddi galgá leat eará go ráđđeaddi orgánan.

-Ráđđehusa bealis eai gávdno lohpadusat ja dáhkádusat boahttevaš proseassaid birra mat attaše dorvvu mearrasámi servvodahkkii, lasihaste Pedersen. –Sámediggi lea oččon heajos hatti árbesilbba ovddas.

NSR oaviilida ahte Sámedikki miehtan šiehtadussii váttisindahkka čuovvolit vuoigatvuođagáibadusait gaskariikalaš orgánain boahtteáiggis. Gaskariikalaš proseassa áššedovdit dadjet ahte go Sámediggi mieđai, sáhtta dat váttisindahkkat oaččut sadjai mearrasámiid vuoigatvuođaid máŋŋel.

-Ii lean dát maid 40 jagi leat bargan. Mii leat bargan Ráđđehusa vuosttá buot jagiid, dál maid iežamet olbmuid vuostá. Lea váidalahtti ja vuorjašahtti, dadja Pedersen.

NSR áigu lihkká ovddosguvlui bargat čuovvolot Riddoguolastuslávdegotti.

-NSR buollá mearrasámiid vuoigatvuođaid dihte, ja áigut joatkit bargamis. Mii eat vuollán! Dáhkida Pedersen.

-------

Dárogillii / På norsk