Miljuvnna áhkkui ja áddjái!

Norgga Sámiid Riikasearvi (NSR) evttoha miljuvnna addit sámi vuoras olbmuide. Sámediggi lea rievdaduvvon bušeahta oktavuođas oččon ođđa vejolašvuođa addit doarjaga iešguđetgelágan prošeavttaide mat čuhzet sámi boarrasiid eallinkvalitehtaid. Geavaheaddji dearvvašvuođaovddidan doaimmaid boares olbmuide sáhtta vuoruhuvvot rievdaduvvon bušeahttas mii lea meannudeame vuolde Sámedikkis.

- Mii leat ilus og beassat vuoruhit geavaheaddji doaimmaid mat galget mannat bidjat johtui doaimmaid sámi boarrasiidda go leat olu ruđat maid ođđasit juohki, dadjaba NSR áirras guovttos  Plána- ja finánsalávdegottis Ann-Mari Thomassen ja Rolf Johansen. NSR muittuha ahte mii diehtit ahte diekkár fálaldagat buoridit dearvvašvuođa ja eallima.

Sámedikkeráđđi lea dorjon ovddeš NSR-evttohusa Várdobáiki sámi guovddaža Evenáššis beassandihte lágidit dearvvašvuođadeaivvademiid boarrasiidda sihke institušuvnnas ja olggobealde. Dál háliida NSR ahte eará guovllut maiddái ožžot doarjaga geavaheddjiid doaimmaide. Dát leat nugo Guovdageainnu ja Máze doaibmaguovddažat, Ruŋggu giliviessusearvi, Snåsa suohkana giellaguovddáš, Sámi viessu Oslos, Unjárgga Penšunisttasearvi, Omasvuona suohkanis, Dearvvašvuođaprošeavttat Árran julevsámi guovddážis ja Álttá Giellaguovddážis ja Gáivuona/Biertavárri.

- Mii háliidit ahte áhkku ja áddjá galgába gávnnadit ja háleštit sámegillii, ja ahte leat fálaldagat dearvvašvuođaovddidan doaimmat lagašbirrasis, dadja Rolf Johansen NSR áirras Sámedikki Plána- ja finánsalávdegottis.

--------------------

Oktavuođadieđut:

Ann-Mari Thomassen Mobil 90057123

Rolf Johansen Mobil 915 49 538

På norsk / Dárogillii