Jođiheaddjis Gøran Lind RSSis lea mihttu ahte miellahttučoahkkin galgá čuvget RSS miellahtuide giellahálddašanguovllu ášši ja maid mearkašivčče jus Romssa suohkan lahttuduvvo. 

- ii unnimusat doaivvun čoahkkin šaddat positiivalaš oassi dássadit digaštallama mii lea medias leamaš ja ii leat jur leamaš áššalas digaštallan maid duođaid mearkaša lahttuduvvot, dadja RSS-jođiheaddji Gøran Lind. Čuolbmačilgehusas lea olmmašlaš bealli maiddái, go mii han leat sápmelaččat geat orrot ja historjjalažžat leat orron dáppe iežamet guovlluin ja iežamet gielain. - Ii leat dušše min geatnegasvuohta čuvget dan, muhto galgat veahkehit dainna mainna sáhtit, dadja Lind.

Čoahkkimi boahta earet eará NSRa jođiheaddji Aili Keskitalo álggahit digaštallama. Miellahttučoahkkin maid rádje áiggidigaštallat dábálaš searváššiid mat leat dehalaččat ovddosguvlui. Čoahkkin dollojuvvo Romssa Universitehtas sámi kulturvistti Árdnas ja álga diibmu 19 disdaga 10.b miessemánus. Gøran Lind ja buohkat RSS-stivrras sávvet bures boahtima ja sávvet nu olu go vejolaččat gávdent geainnu Ardnai dán oktavuođas. Lohpiduvvo guossoheapmi.

Geahča Romssa sámi searvvi ruovttusiiddus eanet dieđuid dihte.

------

Dárogillii / På norsk