Mediafálaldagá julevsábmáj vájllu. NRK Sápmin li guokta rádiosáddaga vahkkuj, ja vuorjját TV-sáddaga julevsámegiellaj. Bájkkeavijssa Nuortta-Sálton le juohkka váhko akta bielle sámegiellaj. Nuoraj TV lij internehtta-mediafálaldahka nuorajda, ja nuorajs ásadum jagen 2010. Fálaldahka hæjtoduváj gå ruhtadoarjja någåj 2010 jahkegietjen. Sálto sámesiebrre–NSR jahketjåhkanibme 2011 javllá lij riek buorre fálaldahka majt máná ja nuora riek berustin. Jahketjåhkanime mielas le ájnas ásadit ienep mediafálaldagájt julevsámegiellaj gielav nanodittjat. Sierraláhkáj le ájnas mánájda ja nuorajda mediafálaldagáv ásadit. Sálto sámesiebrre–NSRa jahketjåhkanibme hasot sámedikkev ja ietjá oajvválattjajt bisodittjat ruhtajuollodimev Nuoraj TVij, navti váj dát mediafálaldahka joarkká danen gå le ájnas julevsámegiela åvddånibmáj.

Lågå NuorajTVblogga