– Sidáv siebrre vissjalit doajmmá politihkkalattjat ja kultulássjij. Sierra láhkáj vieledav dåjmajt ma ådå barggosajijt mijá sijddaguovlojda ásadi, vaj miján li juoga nujorajda fállat. Valla dáha vierttiji guoddelisá luondoluohkoj vuoksjuj liehket. Mijá ulmme le, ja sihtap aj tjavgga gåtsedit dajt ássjijt ma guosski middjij sámijda ålles doajmmaguovlonimme. Sihtap aj kulturfálaldagájt åvdedit sebrulattjajdimme. Gå Sálto sámesiebrre galggá doajmmat nav vijdes guovlon, le hásstalussan ájmmudit juohkka sajen doajmmat, javllá Kalstad, guhti le Divtasvuonan ja Hábmerin bajássjaddam. Uddni jådet sån Biebbmobærrájgæhttje Ofuohtá guovllokåntåvrav Narvijkan.

Ietján stivrraj válljiduvvin Knut Are Langås, Rune Knutsen, Sandra Nystø Ráhka, divna Ájluovtas ja Ing-Lill Pavval, Fuoskos. Sadjásadtjan válljiduvvin Miriam Paulsen, Bådådjos, Per Ivan Knutsen, Ájluovtas ja Ingvild Gintal, Bådådjos.

Sálto sámesiebrre sebrulaslåhko lej 2008 gietjen 22. 2010 gæhtjaj le lassánam 61 rádjáj. – Dajna lassánimijn lev dudálasj, javlla åvdep jådediddje Miriam Paulsen ja sávvá vuorbev ådå jådediddjáj Hugo Kalstad.

----------

På norsk / dárogielláj