NSRa sámedikkejoavku lea vuorjašuvvan dáid easka ovdánbuktojuvvon loguid badjel Borasdávdaregisteris ja Statistisk sentralbyråas, mat čájehit stuora báikkalaš erohusaid mii guoská borasdávdii. Finnmárkus leat unnaneabbo registrerejuvvon borasdávdabuohccit go muđuige riikkas, ja dutkit eai sáhte čilget dán erohusa.

– Sáhttago dát mearkkašit ahte ollusat eai leat dieđihuvvon ja geat eai oačču divššu Finnmárkkus, jearra NSR-jođiheaddji Aili Keskitalo. Sáhttago leat sivvan ahte finnmárkulaččat ožžot heajubut dearvvašvuođafálaldaga go eará sajin riikkas?

Norgga-dearvvašvuohta lea dusteme stuorámus ođasteami goassige ovdál. Suohkan dearvvašvuođabálvalusat galget rievdáduvvot ja láhččojuvvot deavdindihte ovttasdoaibmanođastusa. Ođastus mii fárbmasta maiddái sámi buhcciid. mearkaša ahte sáhttá ovdánahttit kválitehta ja láhčit vejolažžan saji buhcciide.

– Lea deaŧalaš ahte Sámediggi vuojiha ášši sihkarastindihte eanet máhtu dearvvašvuođadili birra ja geahččat jus gávdnojit goboastuvuođat dearvvašvuođafálaldagain, lohka Silje Muotka, gii jođiha Sámedikki bajásšaddan-, fuolahus- ja oahppolávdegotti. – Lea deaŧalaš ahte sihkarastit ovttaárvvosaš dearvvašvuođafálaldaga buot buhcciide, mat dieđuske maiddái galget sámi buhcciide leat, dadja Muotka. Son maid oaivvilda ahte lea deaŧalaš sihkarastit buori kvalitehta dearvvašvuođafálaldahkii boaitto beal báikide. – Mii fertet lassin sihkarastit ahte ovttasdoaibmanođastus duođaid jalgada báikkalaš earohusaid dearvvašvuođafálaldaga kvalitehtas, dadja Muotka.

NSR vuordá ahte Sámedikkeráđđi vuhtiválda dán váttisvuođa, ja danin áigut loktet ášši Sámedikkis.

----------

På norsk / darogillii