Mikkel Gaup lea mánga jagi leamaš dábalaš miellahtun Oslo sámiid searvvis. Son lea sávvan doaibmat áŋgireabbot sámi servvodaga ovddas ja erenoamažit Oslo sámiid searvi ovddas.

Eretluohpan jođiheaddji Kari Lifjell háliida bottoža báikkalašsearvvibarggus vai beassa eanet návccaid bidjat iežas riikastivramiellahtun NSRa váldostivrras. Lifjell gohčoda Gaupa árvvolaš árbalaš ja deattuha son boahtá loktet Oslo sámiid searvvi kulturbarggu. Mikkel Gaup ieš lohka leat rámis oaččut luohttamušvuođa jođihit NSRa ovtta dain stuoramus báikkalaš servvin. – Mun illudan álgit bargat, ja háliidan eanet váldit mielde daid guokte lávdegottiid searvvi bargui. Gaup dadja ahte dat galgá oidnot ahte OSS lea okta dain stuorámus báikkalaš serviin NSRas, ja ii unnimusat galga ivdnet Norgga oaivegávpoga sámi ivnniiguin šearradeabbo. – Mus leat buorit jurdagat movt mii galgat doaibmat kulturdoaluid ohcaleaddjin, ja mii háliidit eanet doaimmahit sámi kulturilbmaneami ođđa areanain ovttas stuorat lágideddjin. – Dát šadda gelddolaš, ja sávvamis beassat din illudahtit, loahpaha Mikkel Gaup.

Ovttas stivvras leat eará go Mikkel Gaup, nubbinjođiheaddji Aili Guttorm, ja dat iežá golmmas stivrras leat Christina Henriksen, Stig Christian Holm ja Lisbeth Somby. Jus háliidat geahččat geat dat eará luohttamušolbmot dain guokte lávdegottiin leat, geahča OSS iežas ruovttusiiddu.

----------

Dárogillii / På norsk