Stivrras leat ain mielde Marit Myrvoll ja Sauli Guttorm. Aina Hætta Høgseth ja Synnøve Angell luohpaba stivrras ja addiba saji Ella Eira Pedersen ja Camilla Brattland guoktai. Várremiellahttut leat Marit Berit Eira, Aina Hætta Høgseth ja Lene Antonsen. Revisorat leaba Paul Danielsen ja Martin Rimpi, ja ođđa válgakomitea lea Per Klemetsen Hætta ja Hanne Svinsås Magga.

Doaibmaplánas lea ain kultuvrralaš bargu guovddažis ja joatkit dan buori ovttasbarggu Sámi studeanttaid servviin Romssas, Sámi váhnenfierbmadatgain, Gáisi giellaguovddažiin, Sámi váhkkuin ja Midnight Sun Marathon, ja maiddái Romssa suohkanin.

Jođiheaddji Lind lea ilus go luohttamašvuhta ođasmahttojuvvui ja illuda sámivuođa ovddas bargat Romssas. Lind dadja ahte lea okta stuora ja deaŧalaš ášši ovddasguvlui , namalassi Romssa suohkana laktojuvvama sámi giellalága hálddašanguvlui. Romssa Sámi Searvi sávvá buresboahtima Romssa suohkanstivrra mearrádussii, mas mearriduvvo ráhkaduvvot doaibmaplána guorahallat  ieš guđet beliid, juos suohkan laktojuvvo sámi giellalága hálddašanguvlui. Romssa Sámi Searvi lea juo guhkit áigge bargan oažžut Romssa suohkana áŋgiruššat eanet sámi áššiid bealis, ja leatge hui ilus go suohkan lea nákcen hukset sámegielat oahpahusfálaldaga sihke ovdaskuvla- ja vuođđoskuvladásis. Lind muittuha ahte erenoamážit suohkana boaittobeale guovlluide lea dehálaš, ahte suohkan laktojuvvošii sámi giellalága hálddašanguvlui. Muhto dat lea dehálaš maid gávpoga lagašbirrasiidda - eandaliige daid sámemánáide geaid ruovttubáikin Romssa gávpot lea. Romssa Sámi Searvi lea ilus das, ahte mearrádus nannejuvvo politihkalaččat suohkanis. Jođiheaddji Gøran Lind loahpaha ahte lea riekta ja dehálaš, ahte Romsa, mii lea Davvi-Norgga stuorimus gávpot, lea ofelažžan dán áššis eará gávpotsuohkaniidda davvin.

Tromsø sameforening fikk samepenger i gave

---------

På norsk / darogillii