RSS-feed

Velg språk!

Utskriftsvennlig versjon Elliidgoddimat Sáltoduoddaris lea servodatovddasvástádus
– Dál ferte elliidbiinnideapmi loahpahuvvot! Johtolatministtar ja eanandoalloministtar fertejit juolludit ruđaid 52 kilomehtera guhkes áiddi huksemii ruovdemáđija guoras Sáltoduoddaris mii dárbbašuvvo vai bisseha bohccogoddimiid, dadjá NSR sámediggeáirras Ann-Mari Thomassen.

Almmuhuvvon: 18.06.2010

Ann-Mari Thomassen guhte lea Viesttarmeara válgabiire sámediggeáirras ja miellahttun NSR parlamentáralaš jođihangottis lea ilus go Nordlándda fylkkamánni nammaduvvon bargojoavku lea gárvvistan čielggadeami bohccuid vuojáhallama birra ruovdemáđijas Sáltoduoddaris. – Mun rámidan bargojoavkku ja Nordlándda fylkkamánni go leat gávnnahan dárkilis doaibmabijuid man geahpidivčče elliidbiinnideami Sáltoduoddaris, lohka son.

Nordlándda Fylkkamánnii lea bargojoavkku árvalusaid vuođul evttohan ceggemis bistevaš áiddi gaskal Luonusvákki stašuvnna ja Russanes Saltdal suohkanis. Dasa lassin evttohuvvojit cegget gaskaboddosaš plástaáiddiid dárbbašlaš gearggusvuođadoaibman heahtedilis. –Nordlándda Fylkkamánni evttoha buori  ja boahtteáigásaš doaibmabijuid mat heaittihit gillámušaid, lohka Ann-Mari Thomassen. – Mun váillahan seammás plánejuvvon áiddi huksema gaskal Semska ja Sørelva mii ruhtaduvvui 2009. Dát áidi livččii áigá juo galgan huksejuvvot!

– Mun hástalan johtolatministara Magnhild Meltveit Kleppa ja eanandoallo- ja biebmoministara Lars Peder Brekk farggamusat juolludit dárbbašlaš ruđaid stáhtabušeahta bakte. Vuhtiiváldimis sihke olbmuid ja elliid oktavuođas lea čielga servodatovddasvástádus gávdnat loahpalaš čovdosiid mat bissehit elliid vuojáhallamis Nordlándda ruovdemáđijas Sáltoduoddaris, loahpaha Thomassen.

 

----------

På norsk / darogillii





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S