– Mun dieđán ahte leat oallugat davvisámi servodagas geat illudit go biibbala šaddá álkibun lohkat, dadjá Rolf Johansen, NSR sámediggeáirras ja Sámedikki doarjjastivrra miellahttu. Álggus galgá Ođđa testameanta ja Sálmmaid girji heivehuvvot, muhto maiddái Boares testameanta plánejuvvo transkriberejuvvot go joatkit barggu.
– Bargu dáinna ođđasis čállimiin vuolggahuvvo čielga beroštumis dagahit árbevirolaš biibbaljorgaleami eanet olámuddui. Odne fállojuvvo oahppu ođđa čállinhámi mielde, mii earrána nu sakka boares čállinhámis ahte nuoraide lea váttis lohkat teavsttaid mat leat čállojuvvon boares čállinhámi mielde. Dál šaddá Biibbal eanet olámuddui maiddái nuorat buolvvaide, loahpaha Rolf Johansen.
----------
På norsk / darogillii
Kommenter denne artikkelen
Tips en venn Gå tilbake