Háliidat go juoiggadit beivviid? Háliidat go oahppat ođđa luđiid eará guovlluin? Vuoi háliidat go dušše deaivvadit ustibiiguin? Dalle galggašit searvat juoiganbussii mii vuolgá Várjjagis ja vuodjá Ankaredii. Hurat geaidnoguoras, vuoi bussa orusta! :) Mii lohpidat alla juoiganfáktor! Dieđit fal otne!?
Ulbmil bussain lea oahppat juoigat luđiid iešguđetge guovlluin. Mis leat čeahpes juoigit geat oahpistit guovllu luđiide.
Vuolgga: gaskavahkku 23.06.10 Várjjagis
Joavdat Ankaredii: bearjadaga 25.06.10
Bussa vuodjá davás fas: sotnabeaivve 27.06.10
Juoiganbussa loahpahuvvo loahpahandoaluin go joavdat Ankaredii. Bussa vuodjá fas davás sotnabeaivve, 27.06.10. Oasseváldit mearridit ieža háliidit go čuovvut bussa davás. Mii eat govčča eará mátkkoštanvugiid go bussamátki davás.
Bussa vuodjá ná:
Girkonjárga- Vuotnabahta- Deanušaldi- Kárášjohka-Guovdageaidnu- Heahttá- Gáresavvon- Gilbbesjávri- Burgen (Nordkjosbotn) - Beardu- Skánit – Divttasvuotna- Fauske- Namskogan- Ankarede.
Fuomáš: Mii gokčat girdibileahta davás dáidda geat orrut Ankarede láhkosis dahje máddelis. (Viissis mearri)
Ahkemearri: 18 jagi
Máksindiva: 500 kr
Borramuš: Mii gokčat ovtta lieggamállása ja loahpahat grillemiin Ankaredes. Eará borramuša ferte oasseváldi ieš gokčat.
Juoiganbussa lea gárrenmirkkotkeahtes doallu
Dieđihanáigemearri :lávvardaga 12.06.10 (Lea čatnaseapmi go dieđiha juoiganbussii. Jos leat dieđihan, it ge sáhtte lihkká vuolgit de lea dus vejolašvuohta geassádit ovdal áigemearridáhton lea vássán.)
Dieđit:
Berit Kristine Guvsámii, beritkristine@gmail.com, mob: +46 73 08 61 914
Ol Johan Gaup, oljohan@gmail.com, mob: 977 34 966
Áike Selfors, aikeselfors@gmail.com, mob: 411 06 949
Anta Jåma, smarten00@hotmail.com, mob: 920 67 501
NSR-Nuoraidlávdegotti čálli, nsr-u@nsr.no, 970 89 610
Kommenter denne artikkelen
Tips en venn Gå tilbake