Sámedikki Plána- ja finánsalávdegottis lea NSR evttohan čuovvovaš vuoruhemiid:

-         5 miljovnna sámi filbmafondii Sámiálbmotfoandda bokte  

-         Beaivváš Sámi Našunálateáhter kr. 807.000,-

-         Åarjelhsaemien teáhter /Sydsamisk teater kr. 371.000,-

-         kr. 500.000,- eambbo sámi giellastipendii joatkkaskuvlla ohppiid várás  

-         Nuoraidfoanda kr 250.000,-

-         Lasihit 1 miljovnna sámi giellaguovddážiidda

Dasa lassin evttoha NSR nannet eambbo sámi kulturviesuid ja čoahkkananbáikkiid, nugo Duoddára Ráffe/Pitesamisk hus, Sámi viessu Oslos, Vuonnamárkanat Unjárggas, Joddu- Deanu sámeguovddáš Deanus ja Álttá Sámi Siida. Evttohat maid nannet mariidna ealáhusaid-, eanandoalu-, sámi girjjálašvuođa- ja musihka doarjagiid maid sáhttá ohcat.  

- Leat válljen rievdadit Sámediggeráđi bušeahtaševttohusa muhtin sajis, go min mielas das lei láivves giella- ja kulturprofiila, dadjá Ann-Mari Thomasen, NSR ášši áššejođiheaddji. – Oaivvildat ahte sámediggeráđi evttohusa lasihit miljovdnasaš supmi Sámediggi politihkalaš dássái lea dohkketmeahttun. Mii politihkkárat leat válgagiččus lohpidan sámi servodagas eambbo ruđa giella- ja kulturvuoruheapmái, ja NSR čuovvula maid lea lohpidan.

Sámediggi meannuda ja mearrida 2010 bušeahtaševttohusa Sámedikki dievasčoahkkimis gaskavahku juovlamánu 2. b. 2009.

www.nsr.no   

Gulahallanolmmoš: Ann- Mari Thomassen 900 57 123