- Ferte jearrat maid doarju Willy Ørnebakk, su bellodaga vai sámi nuoraid? Danin leat váttisvuođat addet ahte Ørnebakk ii hálit joatkit dan fálaldaga mii lea nu dehálaš sámi nuoraide, kulturovdáneapmái ja sámegillii dadjá Thomassen. – Máŋga fágaoahpaheaddji Skánis leat gaccan sámi kultur, -osku ja -historjá joatkkaoahpu dadjá Thomassen gii oaivvilda ahte gaikut dán fágabirrasa ruohttasiin mielddisbuktá ahte dát sámi fágaovddideami vuoruheami lea duššindahkkon.

Sámediggi lea ollu jagiid vuoruhan Tromssa fylkkagieldda ovttasbargosoahpamušain earret eará nannet sámi fágaovdánemiin Skánit skuvllas, muhto dát njeaidá vuoruheami mii lea dahkkon olmmošlaš, fágalaš ja ekonomalaš resurssaid hárrái dadjá Bajásšaddan-, fuolahus- ja oahppolávdegotti jođiheaddji Silje Karine Muotka (NSR). – Ii leat luohttevašvuohta Bargiidbellodahkii Sámedikki bargguin rahčat bisuhit giliskuvllaid go sin parlamentáralašjođiheaddji ii doarjju dan politihka maid ovddidit loahpaha Muotka (NSR).