- Buohkat čálle giliskuvllaid birra, reivves mii sáddejuvvui stáhtaministtar Jens Stoltenbergii geassemánu 2. beaivvi 2008. Sihke joavkojođiheaddjit ja parlamentáralaš jođiheaddjit Sámedikkis. Muhto, dalá minister Dag Terje Andersen ii addán makkárge čielga vástádusaid. Suohkanat sáhttet ieža mearridit, celkkii ministtar, ja háliidii lasihit suohkaniid friddja ruđa, muitala Muotka.

Prinsihppamearrádus

– NSR mielas buot giliskuvllaid galggašii loktet Sámedikki dievasčoahkkima ovdii farggamusat, cealká Muotka. Buot giliskuvllaid galggašii kártet, ja Sámediggi galggašii buktit prinsihppamearrádusa. – Suohkanat eai hálit bisuhit giliskuvllaid, eaige álo sáhte dan dahkat, cealká Muotka. Go suohkanat ieža mearridit, de soapmásat nagodit bisuhit giliskuvlla, ja earát ges heaittihit dan, ležžet dál skuvllas sámi mánát vai eará mánát.

Giliskuvla-prošeakta

Olbmot sáhttet ássat boaittobealbáikkiin, jos doppe lea skuvla. Giliskuvla lea hui dehálaš, oaivvildit buot Sámediggepolitihkkárat, čujuha Muotka. Sámedikki reviderejuvvon bušeahtas 2008 várrejuvvui 400.000 ruvnnu prošektii "sámi guovlluid resursaskuvllat/giliskuvllat”.

Ráđđi dál čuovvola

- Háliidit diehtit buot mii lea bargojuvvon dán áššis. Daid ferte muitalit Sámedikki dievasčoahkkimii, cealká Muotka guhte namuha ahte NSR ovddidii dán ášši, ođđa áššin ovddit sámediggeráđđái. – Buorre go várrepresideanta dál čuovvola ášši, loahpaha Muotka.

Keskitalo: Sámediggi ferte rahčat seailluhit giliskuvllaid (2008)

Dárogillii / På norsk