Feastamállasat Bergenis …

Bergen Sámiid Searvi ávvuda lávvardaga golggotmánu 31. beaivvi diibmu 19 Davvi-Norgga viesus. Jođiheaddji Mona Tornensis Hornæs bovde árbevirolaš mállásiidda, báisebiđos. Son illuda ávvudit báikkálaš servviin. – Mis lea kafeja rabas bearjadaga diibmu 17 rájes ja vel lávvardaga dii 11 rájes. Mii čájehit duoji ja beassat gullat logaldallamiid. Bergen Museum čájeha sámi dávviriid mat leat sin vuorkkáin. Tornensis Hornæs muitala searvi lea áigumin cegget lávu ja lágidit doaluid mánáide ja ollesolbmuide. Lávus leat doalut mánáide, ja lávvu lea das dakka lahká kafeja.

Eambbo dieđuid ja jos áiggut saji mállásiin, de válddát oktavuođa Gunn Nikkinen dahje Kjellaug Enoksen giehtatelefovdna 457 68 244 og 901 86 571.

… dánsun Sálttus

Sálto Sámesiebrre ávvuda sihke lávvardaga golggotmánu 24. beaivvi ja maŋŋá. Sofia Jannok ja Lárssa konseartta Hápmiris. – Sámesiebrre lea kulturorganisašuvdna ja háliida ovdanbuktit báikkálaš kultuvrra Lars Magne Andreassen ja Johannes Formanowski bokte, cealká báikkálaš searvvi jođiheaddji Miriam Paulsen. – Sofia Jannok lea johtime skuvllaid mielde, ja lea maid háliidan min luhtte fitnat. Dasa mii illudit. Son johtá Rikskonsertene mielde dáid áiggiid.

– Maŋŋelaš dán jagi, de mii fas ávvudit, muhto dál de lea sámefeasta, dego álggaheamen ávvudeami, cealká Paulsen.

Váldde oktavuođa jođiheddjiin, Miriam Paulsen på 976 17 377.

Dárogillii/på norsk

SEARVVA MIELLAHTTUN