1. Jus jienastat NSRa de leat mielde hehttemis ahte mii sápmelaččat bálkestuvvot ruovttoluotta dáruiduhttináigái.
Dat mearkkaša ahte jus válljet min de heađuštat ahte sámi aviissat, sámi tv-ođđasat ja festiválat heaittihuvvojit (nu go okta min vuostálastiin hálida). Mii áigut maid heađuštit ahte sámegieloahpahus nohká skuvllas, ahte Sámediggi šaddá hoteallan ja ahte sápmelaččaid dilli šaddá nu go lei min áhkkuid ja áddjáid áiggi.
2. Jus jienastat NSRa de válljet ain ovdáneami.
Dat mearkkaša ahte válljet NSRa mearkkaša addit fámu dan listui Sámedikkis geat atnet eanemus návccaid du ovddas ja lea sápmelaččaid ovddasmanni geas leat garraseamos gáibádusat. Jus du mielas sáhttet sápmelaččat mearridit iežaset áššiid, nu go dážat, de lea NSR rivttes válljejupmi. Maŋŋá go Sámediggi ásahuvvoi, de lea NSR stivren Sámedikki, ja buot dat ođđa buorit mat sápmelaččain leat dál leat iešguđetge ráđđehusat mieđihan, NSRa gáibádusaid dihte. Smiehta dan birra go doalvvut mánát muhtin sámi mánáidgárdái, leat ovtta sámi festiválas, váccát sámi oahpahusinstitušuvnnas dahje geahčat sámi tv-ođđasiid.
3. Jus jienastat NSRa de oaččut Aili presideantan.
Dat mearkkaša ahte jus válljet NSRa de oaččut sánálaš presideantta, guhte ii dárbbaš dohkkehuvvot muhtin dáža bellodagas go áigu ovddidit sámi oainnuid, oaiviliid ja gáibádusaid.
Bargogoikkus sápmelaččaid ovddas bargat
Njunuševttohasaid geaid sáhtát jienastit
Válgaprográmma
Dárogillii/på norsk
Kommenter denne artikkelen
Tips en venn Gå tilbake