- Lea vuosttaš geardde go geahččalan modeallan. Orru gelddolaš ja issoras oktanaga. Áidna maid dieđán modeallabarggus lea dan maid lean lohkan vahkkobláđiin, lohká Norgga Sámiid Riikkasearvvi presideanta evttohas Aili Keskitalo.
Čevllohallá sámi designain
Vaikko lohká issorassan, de lea son hárjánan ahte olbmot guvlet sutnje go lea politihka ovddasteaddji-rollas. NSR presideanta evttohas ii dáhtu suohttasa dihte čájehit designbiktasiid.
- Lean rámis ja čevllohalan go beasan čájehit sámi designer biktasiid. Lea dehálaš čájehit sámi designa ja mii diehtit dasa gávdno márkkan. Lea hui erenoamáš go mii diehtit dat lea vuolgán min árbevirolaš duojis ja heivehuvvon ođđa áigái. Eará norgga politihkkárat háliidit čájehit kultuvrraset ja geavahit norgga designer-biktasiid. Dan dáhtun munge, lohká Keskitalo.
Son jáhkká dál leat olbmot gergosat geavahišgoahtit sámi designa.
- Mun geavahan designbiktasiid. Geavahan gávtti ja lean oastán veahá ođđamállet biktasiid go muhtomin háliidan eará go gávtti. Dássážii lean leamaš duhtavaš kvalitehtain ja sámi designas lea alla árvu, lohká son.
- Eat hálit gal álásin
NSR dáhttu vuoruhit sámi designa, muhto Keskitalos leat maid vuordámušat sámi designeriidda.
- Designerat berrejit hábmet biktasiid vai leat heivehuvvon sámiid dillái. Dáppe lea galmmas ja mii eat dáhtošii gal nu álásin leat. Mii háliidat biktasiid mat leat heivehuvvon min dálkkádahkii, lohká son.
Lea Oslo Sámiid Searvi gii lágida sámi catwalk Oslo čakčafeasttas čakčamánu 4. beaivve. Maiddái earát čájehit sámi designbiktasiid Oslo Čakčafeasttas.
OKTAVUOHTAOLMMOŠ: Aili Keskitalo tlf: 971 29 305
GOS: Čakčafeasta Soria Morias restauranttas, Torshovas Oslos
GOAS: Čakčamánu 4. beaivve dii 19.00 rájes
LÁGIDEADDJI: Oslo Sámiid Searvi
Kommenter denne artikkelen
Tips en venn Gå tilbake